‘‘कसबा विधानसभा मतदारसंघातील बूथ क्रमांक १३७ वर २००९ पासून मी भाजपचे काम करत आहे. यापूर्वी माझे वडील याच भागात कार्यरत होते. लोकसभा निवडणुकीत घरोघरी जाऊन मतदारांना उमेदवाराचे पॅम्‍प्लेट वाटप करून प्रचार केला जात आहे. सकाळी आणि सायंकाळी मिळून दररोज किमान ७० घरांत संपर्क होतो. दुपारी ऊन खूप असल्याने प्रचार करताना काळजी घेतली जाते. पुढे प्रचार कसा करायचा याचे नियोजन दुपारी केले जाते. तसेच सोशल मीडियाच्या माध्यमातून प्रचार करण्यावर भर दिला आहे. सायंकाळी सोसायट्यांमध्ये छोट्या सभा घेऊन मोदी सरकारने गेल्‍या १० वर्षांतील केलेली कामे, पुढील पाच वर्षांत होणारी कामे, याची माहिती देत आहोत. मतदारांकडून चांगला प्रतिसाद मिळत आहे. काही नागरिकांकडून प्रश्‍न उपस्थित केले जातात, त्यांना शांतपणे उत्तरे देऊन बाजून मांडली जाते. त्यात अनेकांचे समाधान होत असून यावेळी मोदींच्या पाठीमागे आम्ही उभे राहू, असा ते विश्‍वास देतात. काही नागरिक महापालिका स्तरावरील पाणी आणि सांडपाण्याच्या समस्या सांगतात, त्याच्या नोंदी घेऊन त्या प्रशासनाकडून सोडवून घेण्याची कार्यवाही केली जाते. ’’
- चेतन मुंडे, भाजप कार्यकर्ता
---------------------------
फोटो - 17027