रामवाडी : खराडी ( kharadi) मधील चौधरी वस्ती येथे अनधिकृत बांधकामावर पुणे महापालिकेच्या (pune municipal corporation) बांधकाम विभागा कडून कारवाई करण्यात आली. यामध्ये 10,800 चौरस फूट बांधकाम जमीनदोस्त करण्यात आले.

पुणे महापालिकेच्या हद्दीत खराडी गाव येऊन अनेक वर्षे झाली तरी अनेक नागरिकांकडून महापालिकेच्या नियम व अटी कडे दुर्लक्ष करून टोलेजंग इमारती उभारल्या जात आहे. अशा अनधिकृत बांधकामांवर सध्या पुणे महानगरपालिके कडून कारवाई केली जात आहे.

चौधरी वस्ती सर्व्ह नंबर 41/2 येथे अनधिकृत बिल्डिंगचे बांधकाम करण्यात आले होते. पालिकेच्या बांधकाम विभागा कडून नोटीस ही देण्यात आली होती . आज दुपारी जॉब कटरच्या सहाय्याने अनधिकृत बिल्डिंगचे बांधकाम तोडण्यात आले.

सदर कारवाई बांधकाम विभागाचे कार्यकारी अभियंता रोहिदास गव्हाणे यांच्या मार्गदर्शनाखाली करण्यात आली. यावेळी कनिष्ठ अभियंता किरण कलशेट्टी , निखिल गुलेच्छा ,दत्तात्रय चव्हाण, प्रतिक पाथरकर उपस्थित होते.