कॅन्टोन्मेंट: ईस्ट स्ट्रीटवरील बॉम्बे गॅरेजसमोर रोबोटेक सिस्टीमचे पार्किंगसाठी नऊ मजली इमारतीचे काम निधीअभावी रखडले आहे. या कामासाठी 17 कोटींचा प्रकल्प असून, 13.69 कोटींचा आराखडा तयार करण्यात आला आहे. या ठिकाणी १८४ कार पार्किंग करता येणार आहेत, अशी माहिती पुणे कॅन्टोन्मेंट बोर्डाचे विशेष कार्यकारी अधिकारी अमित कुमार यांनी दिली.

अमित कुमार म्हणाले की, कॅन्टोन्मेंटमध्ये पार्किंगसाठी उभारण्यात आलेल्या इमारतीमध्ये ३८ हजार चौरस फूट जागेवर १८४ कार पार्किंगची व्यवस्था असणार आहे. मल्टी लीड पार्किंग प्रोजेक्ट २०१८ मध्ये सुरू केला आहे. त्यासाठी १३.६९ कोटी रुपयांचे टेंडर मंजूर करून आराखडा तयार केला आहे. कॅन्टोन्मेंटने त्यासाठी दीड कोटी रुपये दिले आहेत. पार्किंगसाठीची ९ मजली इमारत असून, रोबोटेक सिस्टीमने वाहने पार्किंग केली जाणार आहेत. केंद्रीय संरक्षण खात्याकडे निधीसाठी मागणी केली आहे. पार्किंगमधून दरमहा ५० ते ६० लाख रुपयांचे उत्पन्न मिळणार आहे, असे त्यांनी सांगितले.