पुणे - दुचाकी घसरून भरधाव पीएमपी बसच्या चाकाखाली सापडल्याने महाविद्यालयीन तरुणीचा मृत्यू झाला. माही मयूर गांधी (वय १९) असे मृत्युमुखी पडलेल्या तरुणीचे नाव आहे. ही घटना कोथरूड परिसरात शनिवारी (ता. १६) घडली.
याबाबत पोलिस कर्मचारी अमोल नजन यांनी कोथरूड पोलिस ठाण्यात फिर्याद दिली आहे. त्यावरून अज्ञात बसचालकाविरुद्ध गुन्हा दाखल करण्यात आला आहे. पोलिसांनी दिलेल्या माहितीवरून, दुचाकीस्वार मंदार नानवटी आणि सहप्रवासी माही गांधी बावधनहून कोथरूडच्या एमआयटी महाविद्यालयाकडे निघाले होते.
रस्त्यात कचरा डेपोजवळ सकाळी सात वाजण्याच्या सुमारास दुचाकी अचानक घसरून दोघे खाली पडले. त्यावेळी पाठीमागून आलेल्या बसच्या मागील चाकाखाली सापडल्याने माहीच्या डोक्याला गंभीर दुखापत झाली. त्यामुळे तिचा मृत्यू झाला. अपघातानंतर बसचालक घटनास्थळावरून पसार झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.