विश्रांतवाडी : खाजगी ट्रॅव्हल बसने दिलेल्या धडकेत

दुचाकीवरील चालक चाकाखाली येऊन

जागीच मृत्युमुखी पडल्याची घटना

येरवड्यातील शास्त्रीनगर चौकात घडली.

राजेंद्र जगन्नाथ देसाई (वय 57 रा. स्वारगेट

पुणे) यांचा या दुर्दैवी अपघातात जागीच

मृत्यू झाला.

मागील आठवड्याभरात

शास्त्रीनगर चौकातील अपघाताची ही

दुसरी घटना आहे. येरवडा पोलिसांनी

दिलेल्या माहितीनुसार, सोमवारी रात्री

पावणेदहा वाजण्याच्या सुमारास पुण्याहून

गुंजन चौकाकडून नगर रस्त्याकडे जाणारी गुंजन चौकाकडून नगर रस्त्याकडे जाणारी

ट्रॅव्हल बस क्रमांक (MH 14HG3969)

हिने दुचाकीला जोरदार धडक दिली.

या अपघातात दुचाकीवरील चालक बसच्या

चाकाखाली आल्यामुळे त्याचा जागीच मृत्यू

झाला. अचानक झालेल्या भीषण

अपघातामुळे शास्त्रीनगर चौकात वाहतूक

कोंडी झाली होती. येरवडा पोलिसांनी

तात्काळ घटनास्थळी घेऊन मृतदेह

शवविच्छेदनासाठी ससून रुग्णालयात

पाठवला. मागील आठवड्यात डंपरने

दिलेल्या धडकेत दुचाकी तरुणाचा जागीच

मृत्यू झाला होता.

तर मागील पंधरा दिवसात वेगवेगळ्या अपघातात येरवड्यात चार जणांचा मृत्यू झालेला आहे. जीवघेण्या रस्ते अपघातांच्या घटना टाळण्यासाठी ठोस

उपाययोजना करण्याची मागणी स्थानिक

नागरिक करीत आहेत.