Chatha Foods IPO : प्रोसेस्ड आणि फ्रोझन फूड कंपनी चाथा फूड्सचा ( Chatha Foods) आयपीओ 19 मार्चला उघडणार आहे. या आयपीओमधून 34 कोटी उभे करण्याचा कंपनीचा मानस आहे. या एसएमइ इश्यूमध्ये गुंतवणूकदार 21 मार्चपर्यंत बोली लावू शकतील. कंपनी डोमिनोज, सबवे, बर्गर किंग यांसारख्या अनेक मोठ्या आंतरराष्ट्रीय चेन्सना प्रीमियम दर्जाच्या मांस उत्पादनांचा पुरवठा करते.

आयपीओ अंतर्गत 59.62 लाख नवीन शेअर्स जारी केले जातील. आयपीओ बंद झाल्यानंतर, 27 मार्च 2024 रोजी बीएसई एसएमईवर कंपनीच्या शेअर्सची लिस्टिंग होऊ शकते. चाथा फूड्सचा आयपीओसाठी 53 ते 56 रुपये प्रति शेअर प्राइस बँड ठेवण्यात आला आहे. बिडिंगसाठी लॉट साइज 2000 शेअर्स आहे. म्हणजेच रिटेल गुंतवणूकदारांना किमान 1 लाख 12 हजार गुंतवावे लागतील.

आयपीओमधील 50 टक्के पात्र संस्थात्मक खरेदीदारांसाठी, 35 टक्के किरकोळ गुंतवणूकदारांसाठी आणि 15 टक्के गैर-संस्थागत गुंतवणूकदारांसाठी आहे. इंडओरिएंट फायनान्शियल सर्व्हिसेस लिमिटेड या आयपीओसाठी बुक रनिंग लीड मॅनेजर आहे.

रजिस्ट्रार स्कायलाइन फायनान्शियल सर्व्हिसेस प्रायव्हेट लिमिटेड आहेत. तर मार्केट मेकर Alacity Securities आहे. सध्या चाथा फूड्समध्ये प्रमोटर्सची हिस्सेदारी 81.36 टक्के आहे. कंपनीची सुरुवात 1999 मध्ये झाली होती. फ्रोझन आणि रेडी टू इट प्रोसेस्ड मीड उत्पादने बनवणाऱ्या आघाडीच्या भारतीय कंपन्यांपैकी हे आहे.

चाथा फूड्स लिमिटेडचा महसूल आर्थिक वर्ष 2023 मध्ये 34.14 टक्क्यांनी वाढून 117.24 कोटी झाला आणि निव्वळ नफा 264.66 टक्क्यांनी वाढून 2.45 कोटी झाला. एप्रिल-सप्टेंबर 2023 या कालावधीत कंपनीचा महसूल 70.78 कोटी आणि निव्वळ नफा 3.41 कोटी होता.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.