गेले दोन दिवस भारतातील वातावरण ‘जी २०’ने ढवळून निघाले. जगाच्या एकूण व्यापारापैकी ७५ टक्के व्यापार या ‘जी २०’ देशांतून होत असून, जगाच्या एकूण लोकसंख्येपैकी दोन तृतीयांश लोकसंख्या आणि विखुरलेले १८ देश आणि युरोपीय महासंघ यात येतात.

‘जी २०’वरून भारतातील राजकीय वातावरण ढवळून निघाले असताना, अगोदरच भारावलेला भारतीय शेअर बाजार कसा गप्प बसेल? ‘सेन्सेक्स-निफ्टी’ने देखील आपले ‘जी २०’ शेअर पुढे केले आहेत. कोणते आहेत हे ‘जी २०’ शेअर?

‘जी २० शेअर’साठी निकष

खरे म्हणजे ‘सेन्सेक्स-निफ्टी’मधील सर्वच ३०-५० शेअर उत्तमच आहेत. त्यातूनच ‘जी २०’ शेअर पुढील निकष लावून निवडले आहेत -

१) गेल्या तीन वर्षांचा परतावा (टक्के).

२) गेल्या तीन वर्षांतील विक्री आणि निव्वळ नफ्यातील वाढ (सीएजीआर).

३) धंद्यात गुंतविलेल्या एकूण मुद्दलावरील परतावा (आरओसीई).

४) वरीलप्रमाणे आलेल्या शेअरच्या टक्क्यांच्या बेरजेनुसार ‘जी २०’ची निवड.

सारांश

ही आकडेवाडी फक्त ‘सेन्सेक्स-निफ्टी’मधील शेअरशी निगडित आहे. ‘सेन्सेक्स-निफ्टी’बाहेरील शेअरदेखील उत्तम कामगिरी करीत आहेत.

शेअर बाजाराला उधाण आले आहे. जगातील परिस्थिती भारताला आशादायक बनू लागली आहे. मूलभूत सुधारणांनी आता वेग पकडलेला आहे. अशावेळी गुंतवणूकदारांनी त्याचा फायदा घेतला पाहिजे.

मुदत ठेवीसारखी (एफडी) अल्प परतावा देणारी गुंतवणूक निदान काही प्रमाणात कमी करून त्याच बँकेचे शेअर घेऊन परतावा वाढवता येऊ शकतो. थोडा अभ्यास करून शेअर बाजार समजून घेतला पाहिजे. हीच वेळ आहे आपल्या आयुष्याच्या भविष्यकाळाची सोय करण्याची!

बघा, पटतेय का??

(लेखक ज्येष्ठ शेअर बाजारतज्ज्ञ आहेत.)