2000 Rupees Notes: जर तुमच्याकडे 2,000 रुपयांच्या नोटा असतील तर ही बातमी तुमच्यासाठी खूप महत्त्वाची आहे. आज बँकांमध्ये नोटा जमा करण्याची किंवा बदलून घेण्याची शेवटची तारीख आहे. ही मुदत आज संपणार आहे. भारतीय रिझर्व्ह बँकने (RBI) हे काम पूर्ण करण्यासाठी आधी 30 सप्टेंबर 2023 ही अंतिम मुदत दिली होती, परंतु शेवटच्या क्षणी ती एका आठवड्याने वाढवण्यात आली.

काल आरबीआय गव्हर्नर यांनी रिझर्व्ह बँकेच्या चलनविषयक धोरण समितीच्या निर्णयांची घोषणा करताना सांगितले की, आरबीआयकडे अद्याप 2,000 रुपयांच्या 12,000 कोटी रुपयांच्या नोटा परत आल्या नाहीत.

म्हणजेच 2,000 रुपयांच्या एकूण नोटांपैकी केवळ 87 टक्के नोटा परत आल्या आहेत. 12,000 कोटी रुपयांच्या या नोटा अजूनही बाजारात शिल्लक असून त्या परत करण्याचा किंवा बदलून देण्याचा आज शेवटचा दिवस आहे.

रिझर्व्ह बँकेचे गव्हर्नर शक्तिकांत दास यांनी सांगितले की जर कोणाला 7 ऑक्टोबर 2023 नंतरही 2,000 रुपयांच्या नोटा जमा करायच्या किंवा बदलून घ्यायच्या असतील तर त्यांच्याकडे काही पर्याय आहेत.

आरबीआय गव्हर्नर शक्तिकांत दास म्हणाले की, देशातील अनेक राज्यांमध्ये आरबीआयची ऑफिसेस आहेत जिथे या 2,000 रुपयांच्या नोटा जमा केल्या जाऊ शकतात. हे दोन प्रकारे करता येते.

पहिली पद्धत: सामान्य लोक आणि संस्था RBI च्या 19 कार्यालयांमध्ये जाऊन 2,000 रुपयांच्या नोटा बदलू शकतात किंवा जमा करू शकतात. या अंतर्गत, एक्सचेंजसाठी 20,000 रुपयांची मर्यादा आहे, म्हणजेच सामान्य लोक किंवा संस्था या 19 आरबीआय कार्यालयांमध्ये एकावेळी फक्त 20,000 रुपयांच्या नोटा बदलू शकतात.

दुसरी पद्धत: 2000 रुपयांच्या नोटा भारतीय टपाल किंवा भारतीय टपाल विभागाद्वारे आरबीआय कार्यालयात पाठवल्या जाऊ शकतात. ही रक्कम फक्त भारतातील बँक खात्यात जमा केली जाऊ शकते.

नोट जमा करण्यासाठी काय करावे?

आरबीआयच्या नियमांनुसार या 2,000 रुपयांच्या नोटांसोबत ओळखपत्राची माहिती द्यावी लागेल. याशिवाय आरबीआयने काही सूचना दिल्या आहेत ज्यानुसार 2,000 रुपयांच्या नोटा आरबीआयच्या 19 ऑफिसमध्ये जमा करता येतील.