Budget 2024 Schedule : अर्थमंत्री निर्मला सीतारामन आज अंतरिम अर्थसंकल्प सादर करणार आहेत. बजेट सादर करण्याची त्यांची ही सहावी वेळ आहे. 2024 हे निवडणुकीचं वर्ष असल्यामुळे यंदाचं बजेट अंतरिम असणार आहे. अंतरिम बजेट सादर करण्याची सीतारामन यांची पहिलीच वेळ आहे.

कसं असेल वेळापत्रक

• अर्थमंत्री निर्मला सीतारामन सकाळी 9 वाजता त्या आपल्या घरातून नॉर्थ ब्लॉककडे जातील.

• त्याठिकाणी अधिकाऱ्यांसोबत बैठकीनंतर बजेटसाठी राष्ट्रपतींची परवानगी घेण्यात येईल.

• त्यानंतर 10.15 वाजेच्या सुमारास कॅबिनेट बैठकीत अर्थसंकल्पाला मंजूरी दिली जाईल.

• त्यानंतर सकाळी 11 वाजेपासून अर्थमंत्री अंतरिम अर्थसंकल्पाचं वाचन सुरू करतील.

सीतारामन यांची पहिलीच वेळ

अंतरिम बजेट सादर करण्याची सीतारामन (Nirmala Sitharaman) यांची पहिलीच वेळ आहे. त्यांनी 2019 ते 2023 या वर्षापर्यंत पाच पूर्ण बजेट सादर केले आहेत. 2019 सालचं अंतरिम बजेट हे तत्कालीन अर्थमंत्री पीयूष गोयल यांनी सादर केलं होतं. यामध्ये पीएम किसान सन्मान निधी योजना, करामध्ये सूट आणि स्टँडर्ड डिडक्शन असे कित्येक मोठे निर्णय घोषित केले होते.