इकोस इंडिया मोबिलिटी अँड हॉस्पिटॅलिटी लिमिटेड (Ecos India Mobility & Hospitality Ltd) लवकरच आपला आयपीओ आणायच्या तयारित आहे. कंपनीने शुक्रवारी बाजार नियामक सेबीकडे आपल्या आयपीओशी संबंधित कागदपत्रे सादर केली. त्यानुसार हा आयपीओ पूर्णपणे ऑफर-फॉर-सेल (OFS) असेल. म्हणजेच कंपनी या आयपीओमध्ये कोणतेही नवीन शेअर्स जारी करणार नाही, उलट तिचे प्रमोटर्स आणि शेअरहोल्डर्स त्यांचे शेअर्स विकतील. आयपीओमधून मिळालेली रक्कम कंपनीच्या खात्यात जाणार नाही, तर शेअर्स विकणाऱ्या प्मोटर्स आणि शेअरहोल्डर्सच्या खात्यात जाईल.

कंपनीचे प्रमोटर राजेश लूम्बा आणि आदित्य लूम्बा सुमारे 1.8 कोटी शेअर्सची ऑफर-फॉर-सेल (OFS) करतील. सध्या इको इंडिया मोबिलिटीमध्ये प्रमोटर्स आणि प्रमोटर ग्रुपच्या कंपन्यांकडे 100 टक्के हिस्सा आहे. इको इंडिया मोबिलिटी कॉर्पोरेट ग्राहकांना 25 वर्षांहून अधिक काळ भाड्यावर कार (CCR) आणि कर्मचारी वाहतूक सेवा (ETS) प्रदान करत आहे. त्यांच्या ताफ्यात परवडणाऱ्या ते लक्झरी कारपर्यंत 9,000 हून अधिक वाहने आहेत.

एका अहवालानुसार, जागतिक स्तरावर कॉर्पोरेट मोबिलिटी मार्केट 2023 ते 2030 या कालावधीत अंदाजे 9.6 टक्के वाढीचा अंदाज आहे. या कालावधीत भारतातील कॉर्पोरेट मोबिलिटी मार्केटचा वाढीचा दर 10.7 टक्के दराने वाढण्याची अपेक्षा आहे. इक्विरस कॅपिटल आणि आयआयएफएल सिक्युरिटीज हे या इश्यूचे बुक रनिंग लीड मॅनेजर आहेत.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.