Stock Market Holiday: शेअर बाजारात दिवाळीसारखी चमक आल्याने गुंतवणूकदारही खूश आहेत, मात्र दिवाळीच्या सुट्ट्यांमुळे पुढचा आठवडा शेअर बाजारात ट्रेडिंगसाठी छोटा असणार आहे. साधारणपणे दिवाळीच्या दुसऱ्या दिवशी सुट्टी असते. मात्र, यावेळी सुट्टीत थोडा बदल झाला आहे. अशा स्थितीत दिवाळीच्या दुसऱ्या दिवशी सुट्टी आहे का, असा प्रश्न उपस्थित होत आहे.

शेअर बाजार कधी बंद असणार?

बॉम्बे स्टॉक एक्स्चेंज म्हणजेच BSE वर उपलब्ध असलेल्या या वर्षीच्या कॅलेंडरनुसार मुहूर्ताचे व्यवहार रविवारी म्हणजेच 12 नोव्हेंबर रोजी होतील.

त्यानंतर सोमवारी शेअर बाजारात व्यवहार होईल. दिवाळी बलिप्रतिपदेमुळे मंगळवारी सुट्टी असेल. म्हणजेच 14 नोव्हेंबरला शेअर बाजार बंद राहील. 15 नोव्हेंबरपासून गुंतवणूकदार किंवा व्यापारी बाजारात व्यवहार करू शकतील.

गेल्या दिवाळीपासून आत्तापर्यंत बाजाराची स्थिती

गेल्या दिवाळीपासून शेअर बाजारात बरेच काही घडले आहे. कच्चे तेल असो किंवा जागतिक अनिश्चितता असो या घटनांचा शेअर बाजारावर परिणाम झाला. मात्र, या चढ-उतारातही भारतीय बाजाराने गुंतवणूकदारांना चांगला परतावा दिला.

निफ्टी 9.5 % पर्यंत वाढला. या काळात रियल्टी क्षेत्राने चांगली कामगिरी केली. मिडकॅप आणि स्मॉलकॅप क्षेत्रातील शेअर्सनीही गुंतवणूकदारांना 40 टक्क्यांपर्यंत परतावा दिला.

गेल्या दिवाळीपासून आतापर्यंत निफ्टीमध्ये चांगली कामगिरी करणारे शेअर्स

• टाटा मोटर्स : +60.5%

• L&T : +57.6%

• ONGC : +46.5%

• बजाज ऑटो : +46%

• NTPC : +41.8%