Yes Bank Share : येस बँकेच्या (Yes Bank) शेअर्समध्ये सध्या चांगली अ‍ॅक्शन दिसून येत आहे. गेल्या दोन दिवसांत बँकेचा शेअर 3 टक्क्यांहून अधिक घसरला होता पण नुकताच तो 6 टक्क्यांहून अधिक वाढला आणि जवळपास चार वर्षांनी 26 रुपयांच्या पुढे गेला आहे.

शेअर्समधील ही वाढ ब्रोकरेज एमकेने वर्तवलेल्या अंदाजामुळे झाली आहे. येस बँकेचे शेअर्स बीएसईवर 6.14 टक्क्यांनी वाढून 26.25 रुपयांवर पोहोचले, जे एका वर्षातील उच्चांक आहे. प्रॉफिट बुकींगमुळे किंमत थोडी नरमली पण ती अजूनही चांगल्या स्थितीत आहे. दिवसअखेर बँकेचा शेअर 3.80 टक्क्यांच्या वाढीसह 25.67 रुपयांवर बंद झाला.

ब्रोकरेजच्या अंदाजानुसार, येस बँकेचा निव्वळ नफा वार्षिक आधारावर 705.6 टक्के आणि तिमाही आधारावर 62.6 टक्क्यांनी वाढून 415.1 कोटीपर्यंत पोहोचू शकतो. त्याचे निव्वळ व्याज उत्पन्न (NII) वार्षिक आधारावर 4.5 टक्के आणि तिमाही आधारावर 5.3 टक्क्यांनी वाढून 2,059 कोटीपर्यंत पोहोचू शकते.

त्याच वेळी प्री-प्रोव्हिजन ऑपरेटिंग प्रॉफिट (PPOP) वार्षिक आधारावर 6.6 टक्के आणि तिमाही आधारावर 2.7 टक्क्यांनी वाढून 853.4 कोटीपर्यंत पोहोचू शकते.

येस बँकेचे निकाल 27 जानेवारी 2024 रोजी येतील. बँकेने 4 जानेवारीला आपल्या एक्सचेंज फायलिंगमध्ये ही माहिती दिली होती. त्यानुसार, डिसेंबर तिमाही आणि एप्रिल-डिसेंबर 2023 साठी स्टँडअलोन आणि कंसालिडेटेड आर्थिक निकालांचा विचार केला जाईल आणि 27 जानेवारीला संचालक मंडळाच्या बैठकीत मंजूर केला जाईल.

येस बँकेचे शेअर्स गेल्या वर्षी 23 ऑक्टोबर 2023 रोजी 14.10 रुपयांवर होते, जी एका वर्षातील नीचांकी पातळी आहे. यानंतर, या शेअर्सने तीन महिन्यांत 86 टक्क्यांहून अधिक झेप घेतली आणि आज तो 26.25 रुपयांवर पोहोचला, जो एक वर्षाचा विक्रमी उच्चांक आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.