कोयनानगर (जि. सातारा) : जिल्हाधिकारी शेखर सिंह यांच्यासोबत कोयनेतील बोटिंगबाबत पाहणी करणार आहे, अशी माहिती पोलिस अधीक्षक अजयकुमार बन्सल यांनी दिली.

कोयना धरणाच्या सुरक्षा व प्रतिबंधित क्षेत्राची पाहणी करण्यासाठी ते येथे नुकतेच आले होते. पोलिस उपअधीक्षक अशोक थोरात, कोयनाचे सहायक पोलिस निरीक्षक चंद्रकांत माळी उपस्थित होते. पोलिस अधीक्षक बन्सल म्हणाले, ""जिल्ह्यातील "क्राइम रेट'चा आढावा घेतला. एक हजार 200 गुन्हेगारांची यादी तयार करण्याचे काम सुरू आहे. गडचिरोली येथील कामाचा अनुभव आहे. त्यानुसार विविध कलमांचा वापर करून जिल्ह्यातील गुन्हेगारी मोडीत काढणार आहे.

पाऊस सुरू असेपर्यंत पंचनामे : पालकमंत्री बाळासाहेब पाटील

शासनाने कोयना धरणाच्या प्रतिबंधित क्षेत्रात नौकाविहार सुरू करायला परवानगी दिली आहे. लवकरच नौकाविहार करण्यासाठी बोटिंग स्पॉटची पाहणी जिल्हाधिकाऱ्यांसमवेत करून माहिती घेणार आहे. मल्हारपेठ पोलिस ठाण्याची मागणी गृह विभागाने मान्य केली आहे. त्यामुळे कामात सुलभता येणार आहे.'' 

गृह राज्यमंत्री शंभूराज देसाई म्हणाले मी स्वत: आग्रही आहे परंतु...

मुंबई : काेयनेतील बाेटींगसाठी कट्टर विराेधक एकत्र

Edited By : Siddharth Latkar