क-हाड : क-हाड दक्षिणमधील शेतकऱ्यांच्या बांधावर जाऊन माजी मुख्यमंत्री आमदार पृथ्वीराज चव्हाण यांनी अतिवृष्टीने झालेल्या शेतीच्या नुकसानीची रविवारी दिवसभर ठिकठिकाणी प्रत्यक्ष भेट देत पाहणी केली. यावेळी तालुका कृषी अधिकारी रियाज मुल्ला, कर्मचारी तसेच मलकापूरचे उपाध्यक्ष मनोहर शिंदे, प्रदेश युवक काँग्रेसचे उपाध्यक्ष शिवराज मोरे, युवा नेते इंद्रजित चव्हाण तसेच पाचवड गावचे शेतकरी उपस्थित होते. 

शेतीचे झालेले नुकसान पाहून आमदार पृथ्वीराज चव्हाण यांचे मन हेलावले. बहुतांश शेतक-यांनी तातडीच्या मदतीची अपेक्षा व्यक्त केली. आमदार चव्हाण यांनी शेतक-यांना दिलासा दिला. क-हाड दक्षिणमधील अतिवृष्टीने बाधित जवळपास सर्व क्षेत्राचे पंचनामे झाले आहेत. काही पंचनामे राहिले आहेत का हे तपासून मुख्य अहवाल शासनाकडे पाठविला जाईल. लवकरात लवकर तुम्हांला अतिवृष्टीने झालेल्या नुकसानीची भरपाई मिळेल असे आश्वासित केले.

सर्व खटाटोप पैशासाठी चालला आहे; उदयनराजेंचा बेधडक आराेप

त्याचबरोबर अतिवृष्टीने कुठे रस्ता व पूल खचले आहेत का याचीसुद्धा पाहणी आमदार चव्हाण यांनी केली व त्यानुसार अहवाल लवकरात लवकर बनवून शासनाकडे पाठवावा अश्या सूचना त्यांनी अधिकाऱ्यांना दिल्या.

Edited By : Siddharth Latkar