फलटण शहर : फलटण तालुक्‍याच्या ग्रामीण भागातील कोरोना रुग्णांसाठी फलटण तालुका कृषी उत्पन्न बाजार समितीचे सभापती रघुनाथराजे नाईक-निंबाळकर यांनी सांगवी (ता. फलटण) येथील स्वतःचा अलिशान बंगला कोरोना सेंटर म्हणून देण्याची तयारी दाखविली आहे. त्यांनी तसे पत्र प्रांताधिकारी शिवाजीराव जगताप यांना दिले आहे.
 
फलटण शहरासह तालुक्‍यातील ग्रामीण भागातही कोरोना विषाणूचा फैलाव वाढत असून दिवसेंदिवस प्रमाण वाढत आहे. अशातच ग्रामीण भागातील कोरोनाबाधित रुग्णांना उपचारासाठी कोरोना सेंटरमध्ये जागा उपलब्ध होत नसल्याने, रघुनाथराजेंनी ग्रामीण भागातील कोरोनाबाधितांवर उपचारासाठी "विक्रम-विलास' हा बंगला देण्याची तयारी दाखवली आहे. त्यामधील खालचा मजला स्त्रियांसाठी व वरचा मजला पुरुषांसाठी देण्यात यावा, असे त्यांनी सुचवले आहे.

टेलर बर्ड अर्थात शिंपी पक्षाच्या अंड्यांची घ्या काळजी!, विणीचा काळ अंतिम टप्प्यात 

पुढच्या रविवारपर्यंत सहकार्य करा, आम्हांला लाेकं महत्वाची पैसे नाही : व्यापारी महासंघ
 
यापूर्वी रघुनाथराजेंनी तालुका पिंजून काढत गावोगावी प्रत्यक्ष जाऊन लोकांना धीर दिला होता. बाजार समितीच्या माध्यमातून लॉकडाउन काळात शहरात व गावोगावी फिरता दवाखान्याच्या माध्यमातून मोफत तपासणी व औषधोपचाराची विशेष सोय केली होती. बाजार समितीतील अधिकारी, कर्मचारी, व्यापारी, आडते, हमालांना मोफत मास्क, सॅनिटायझरचे वाटप केले होते. लॉकडाउन काळात अडकलेल्या परप्रांतीयांना तमिळनाडूत स्वखर्चाने बसद्वारे पाठविले होते.

साताऱ्यात शाहूपुरी पोलिसांची 14 दुकानांवर कारवाई 

बेड मिळत नसल्याने कोरोनाग्रस्त काढताहेत आशांवर राग!

Edited By : Siddharth Latkar