सातारा : जिल्ह्यातील 654 ग्रामपंचायत निवडणुकांची मतमोजणीस आज (ता. 18) प्रारंभ झाला. प्रत्येक तालुक्‍याच्या ठिकाणी मतमोजणी होत आहे. निवडणुकीच्या रिंगणात उभे असलेल्या जिल्ह्यातील नऊ हजार 521 उमेदवारांचे राजकीय भवितव्य आज ठरणार आहे.

जिल्ह्यातील 878 ग्रामपंचायतींची निवडणूक प्रक्रिया सुरू झाली होती. या निवडणुकीत 123 ग्रामपंचायती पूर्णत: बिनविरोध, तर 98 ग्रामपंचायती अंशत: बिनविरोध झाल्याने प्रत्यक्षात 654 ग्रामपंचायतींच्या निवडणुकीसाठी उभे असलेल्या उमेदवारांचे राजकीय भवितव्य ता. 15 जानेवारीला मतपेटीत बंद झाले. जिल्ह्यातील काही संवेदनशील ग्रामपंचायतींचा निकाल लागल्यानंतर अनुचित प्रकार टाळण्यासाठी पोलिस बंदोबस्त ठेवण्यात आला आहे.
 

सकाळी आठ वाजता टपाली मतांची मोजणी झाली आहे. पहिला निकाल नऊ वाजेपर्यंत जाहीर झाला आहे.

शेणोली ग्रामपंचायतीत अतुल भोसले गटाच्या आकलाईदेवी पॅनलची सत्ता 

पार्ले ग्रामपंचायतीवर काँग्रेस चे अविनाश नलावडे व रयत क्रांती गटाची सत्ता

शेरे ग्रामपंचायतीत अतुल भोसले यांचे पॅनल आघाडीवर

उंब्रजला सहकारमंत्री बाळासाहेब पाटील यांचे सह्यादी पॅनेल विजयी

पोतले ग्रामपंचायतीत आमदार पृथ्वीराज चव्हाण व (कै.) विलासकाका पाटील - उंडाळकर गटाकडे सत्ता. भाजपच्या अतुल भोसले गटाला तीन जागा

कार्वे ग्रामपंचायतीत अतुल भोसले गटास एल. वाय. पाटील गटाची सत्ता कायम.