कऱ्हाड : शिवनगर येथील यशवंतराव मोहिते कृष्णा सहकारी साखर कारखान्यात (krishna sugar factory) माजी अध्यक्ष अविनाश मोहिते व डॉ. इंद्रजित मोहिते यांच्या एकत्रीकरणाबाबत सलग दुसऱ्या दिवशाही गुरुवारी रात्री उशिरापर्यंत चर्चा सुरू होती. पाच जागांवरून एकमत होण्यावाचून एकत्रीकरण राहिले होते, असे समजते. (satara-marathi-news-krishna-sugar-factory-election-2021-karad)

विविध पर्याय खुले ठेऊन सायंकाळी पाचच्या सुमारास येथील विश्रामगृहात चर्चेस प्रारंभ झाला. आमदार पृथ्वीराज चव्हाण, सहकार राज्यमंत्री विश्वजित कदम, युवा नेते ऍड. उदयसिंह पाटील-उंडाळकर यांनी पुढाकार घेऊन बैठकीचे आयोजन केले होते. कारखान्याच्या दोन्ही मोहिते गटांच्या पहिल्या फळीतील नेत्यांनी बैठकीत सहभाग होता. सकारात्मक चर्चा सुरू आहे. लवकरच एकत्रीकरणाचा निर्णय होईल, अशी अपेक्षा बैठकीत सहभागी झालेल्यांकडून व्यक्त होत आहे.

कृष्णा कारखान्याच्या निवडणुकीत दोन्ही मोहिते यांना एकत्र आणण्यासाठी कॉंग्रेसअंतर्गत हालचाली सुरू आहेत. येथील विश्रामगृहात एकत्रीकरणावरून चर्चा सुरू आहे. त्यासाठी कॉंग्रेसचे नेते आमदार चव्हाण व मंत्री कदम यांनी विशेष पुढाकार घेतला आहे. युवा नेते ऍड. उंडाळकर यांनाही त्या बैठकीत समाविष्ट करून घेतले आहे. बुधवार दुपारपासून सुरू झालेली बैठक गुरुवारीही सुरूच हाेती. बुधवारी बैठकीत विविध विषयांवर पहाटेपर्यंत चर्चा सुरू झाली होती. त्यात अविनाश मोहिते व डॉ. इंद्रजित मोहितेही उपस्थित होते. दोन्ही मोहित्यांनी त्यांच्या भूमिका ठामपणे मांडल्यानंतर रात्री उशिरा बऱ्यापैकी त्याच विषयाभोवती फिरणारी चर्चा झाली. त्यानंतर जागा वाटपांचा प्रश्नावरही चर्चा होऊन दोन्ही गटांनी मागे पुढे होण्याचा निर्णय घेऊन तोही विषय मार्गी लावण्यासाठी प्रयत्न केले. जागा वाटपासारखा महत्त्वाचा विषय मार्गी लावण्यासाठी आजही बैठकीद्वारे प्रयत्न सुरू आहेत. सायंकाळी चारच्या सुमारास बैठक सुरू झाली. त्यामध्ये आमदार चव्हाण, मंत्री कदम, ऍड. उंडाळकर यांच्यासह दोन्ही गटांचे पहिल्या फळीतील नेते उपस्थित होते.

भोसले गटाचे लक्ष

दोन दिवस सुरू असलेल्या बैठकीकडे भोसले गटाचेही लक्ष लागून आहे. त्यांनाही त्या बैठकीतील विविध चर्चांची माहिती घेतली आहे. त्यानुसार त्यांची रणनीती असणार आहे. लवकरच दोन्ही मोहित्यांचा एकत्रीकरणावर शिक्कामोर्तब होणार असल्याचे दोन्ही गटांच्या नेत्यांचा विश्वास आहे. त्यादृष्टीन राजकीय हालचालींवर सर्वांचेच लक्ष आहे.

काही सुखद बातम्या वाचा