सातारा : सोशल डिस्टन्सिंगचे पालन न करता दुकानात गर्दी केल्याप्रकरणी शाहूपुरी पोलिसांनी साताऱ्यातील 14 दुकानांवर कारवाई करून त्यांच्याकडून सात हजार रुपयांचा दंड वसूल केला आहे. दुकानात पाचपेक्षा जास्त व्यक्तींना थांबण्यास मनाई असल्याचा आदेश जिल्हाधिकाऱ्यांनी दिलेला आहे.
मोफत धान्य आणायला जाण्यापुर्वी हे वाचा

या आदेशाचे पालन न करणाऱ्या सातारा शहरातील तब्बल 14 दुकानांवर पोलिसांनी कारवाई केली. यामध्ये सोन्या चांदीच्या दागिन्याच्या दुकानांसह किराणा व इतर दुकानांचा समावेश आहे. या दुकानमालकांकडून सात हजार रुपयांचा दंड वसूल करण्यात आला आहे.

सूर्याचीवाडीत फ्लेमिंगोना मिळाला हक्काचा निवारा 

सार्वजनीक ठिकाणी, घराबाहेर व घरामध्ये जेथे लोकांचा वावर आहे तेथे असताना चेह-याचे तोंडावर व नाकावर मास्कचा वापर न करणा-या व्यक्तींवर पाचशे रुपये दंड आकारावा अशी प्रशासनाची सूचना आहे. सातारा जिल्हयातील कोणत्याही सार्वजनिक अथवा ज्या ठिकाणी लोकांचा वावर जास्त प्रमाणात आहे अशा खाजगी जागेच्या ठिकाणी थूंकणेस मनाई असून, थुंकल्यास एक हजार दंड आकारावा, दुकानामध्ये प्रत्येक ग्राहकामध्ये किमान सहा फुट अंतर राहील याची खात्री करावी तसेच दुकानामध्ये एकावेळी पाच पेक्षा जास्त व्यक्तींना घेणेस मनाई करणेत आली आहे.

सातारकरांनो, मला माफ करा.. मी तुमच्यापासून एक गोष्ट लपवलीय

या आदेशाचे ग्रामीण भागात प्रथम उल्लंघन झालेस पाचशे रुपयांचा तसेच दुसऱ्यांदा उल्लंघन झालेस एक हजार रुपयांचा दंड आकारला जात आहे. ग्रामीण भागात तिसऱ्यांदा उल्लंघन झालेस दुकानाचा परवाना तीन दिवसांसाठी निलंबित करून सदर दुकान तीन दिवसांसाठी बंद ठेवणेत येत आहे. 

पुढच्या रविवारपर्यंत सहकार्य करा, आम्हांला लाेकं महत्वाची पैसे नाही : व्यापारी महासंघ

या  आदेशाचे शहरी भागात प्रथम उल्लंघन झालेस एक हजार रुपये दंड, दुसऱ्यांदा उल्लंघन झालेस  दाेन हजार रुपये दंड, तिसऱ्यांदा उल्लंघन झालेस दुकानाचा परवाना तीन दिवसांसाठी निलंबित करून सदर दुकान तीन दिवसांसाठी बंद ठेवणेत येत आहे.

Edited By : Siddharth Latkar