सातारा : साताऱ्यातील गुरुवार पेठेत असणाऱ्या शाहू उद्यान (गुरुवार बाग) येथून चोरट्यांनी 21 ते 24 या कालावधीत आठ हजार रुपये किंमतीचे दोन झोपाळे चोरुन नेले. याबाबतची तक्रार संजय विठ्ठल शिंदे (राहणार. केसरकर पेठ, सातारा) यांनी सातारा शहर पोलिस ठाण्यात नोंदवली आहे.

काेराेनाच्या पार्श्वभुमीवर मार्च महिन्यांपासून शहरातील विविध उद्यान बंद आहेत. यामध्ये श्रीमंत छत्रपती प्रतापसिंह उद्यान, राजमाता श्रीमंत छत्रपती सुमित्राराजे भाेसले उद्यान, शाहू उद्यान याचा समावेश आहे. ही सर्व उद्याने पालिकेच्या मालकीची आहेत. यामधील काही उद्याने ही ठेका पद्धतीने चालविण्यास देण्यात आलेली आहेत.

सर्व खटाटोप पैशासाठी चालला आहे; उदयनराजेंचा बेधडक आराेप

सातारा शहरातील मध्यवर्ती ठिकाणी म्हणजेच गुरुवार पेठेत असणारे शाहू उद्यान (गुरुवार बाग) हे देखील ठेकेदाराच्या ताब्यात आहे. सध्या हे उद्यान नागरिकांसाठी
बंद आहे. या उद्यानाचा परिसर माेठा आहे. येथे घसरगुंडी, झाेपाळा, पाळणा, घाेडागाडी अशी विविध प्रकारची खूप खेळणी आहेत. त्यातीलच दाेन झाेपाळ्यांची नुकतीच चाेरी झाली आहे. त्याबाबतची तक्रार पाेलिस ठाण्यात नाेंदवली आहे. त्याचा तपास हवालदार ए.एस. दगडे हे करीत आहेत.

Edited By : Siddharth Latkar