सातारा

शिक्षक कोरोनाबाधित; विद्यार्थ्यांच्या पालकांनी काळजी घ्यावी

रुपेश कदम

दहिवडी (जि. सातारा)  : मलवडी (ता. माण) येथील त्रिंबकराव काळे विद्यालय व ज्युनिअर कॉलेज या शाळेतील दोन शिक्षक कोरोनाबाधित आले आहेत. त्यामुळे 13 मार्चपर्यंत शाळा बंद ठेवण्याचा निर्णय घेण्यात आला आहे. रयत शिक्षण संस्थेच्या या शाळेचे मुख्याध्यापक 22 फेब्रुवारी रोजी कोरोनाबाधित आले होते. त्यामुळे शाळा व्यवस्थापन समिती व ग्रामपंचायत यांनी 2 मार्चपर्यंत शाळा बंद ठेवण्याचा निर्णय घेतला होता. त्यानंतर 3 मार्च रोजी शाळा सुरू करण्याबाबत बैठक घेऊन 4 मार्चला इयत्ता दहावी व बारावीचे वर्ग सुरू करण्यात आले होते.

मात्र, 4 व 5 मार्च रोजी शाळेचे कामकाज झाले. 4 मार्च रोजी शाळेतील 17 शिक्षकांची कोरोना चाचणी घेण्यात आली. त्या चाचणीचा अहवाल 5 मार्च रोजी सायंकाळी आला. त्यात दोन शिक्षकांचा अहवाल पॉझिटिव्ह आला. त्यामुळे शाळा व ग्रामस्थांत खळबळ माजली. फक्त दोनच दिवस शाळेचे कामकाज सुरू राहिले अन्‌ लगेच शाळा बंद करण्यात आली.
 
शिक्षक हे कोरोना चाचणी घेतली त्यादिवशी व अहवाल आला त्यादिवशीही शाळेत अध्यापनाचे काम करत होते. त्यामुळे इतर शिक्षक, विद्यार्थी व पालक यांच्यात चिंतेचे वातावरण निर्माण झाले आहे. यासोबतच संपूर्ण परिसरात या शाळेत परिसरातील दहा-बारा गावांतील विद्यार्थी शिक्षणासाठी येतात. इयत्ता दहावी व बारावीतील विद्यार्थ्यांच्या पालकांनी काळजी घेण्याची आवश्‍यकता निर्माण झाली आहे. लक्षणे आढळल्यास तत्काळ अथवा न आढळली तरी शक्‍य असल्यास संबंधित विद्यार्थ्यांची कोरोना चाचणी करून घ्यावी. ज्यामुळे पुढील संभाव्य धोका टाळण्यास मदत होईल. यासोबतच मलवडी गावात कुठेही भाजीपाला विक्री करणाऱ्या विक्रेत्यांना ग्रामपंचायत कार्यालयासमोरील मोकळ्या जागेत भाजीपाला विक्रीसाठी परवानगी देण्यात आली आहे. सकाळी दहा ते सायंकाळी सात या कालावधी व्यतिरिक्त इतर वेळेत दुकाने सुरू ठेवणाऱ्यांना एक हजार रुपये दंड करण्यात येणार आहे. 
 

Edited By : Siddharth Latkar

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Jalgaon Crime: स्मशानभूमीतून महिलेची कवटी गायब; अघोरी कृत्याचा संशय, जळगावमध्ये नेमकं काय घडलं?

चांगल्या भूमिका केल्या पण मी अजूनही स्टार झालेलो नाही... सुबोध भावेचं वक्तव्य चर्चेत

Video : काळजाला भिडणारा सॅल्युट! ऑपरेशन सिंदूरमध्ये गमावला हात अन् वायुसेना पदक स्वीकारताना..CPL Varun Kumar यांचा व्हिडिओ पाहून डोळे पाणावतील

Latest Marathi News Live Update: जळगावच्या पाचोर्‍यातील कृषी उत्पन्न बाजार समितीत मका व सोयाबीन ची आवक वाढली

पैसे घेतले; पण कार्यक्रमाला गेले नाही, हॉटेलमध्येच मद्यधुंद अन्... बॉलिवूडच्या प्रसिद्ध मराठी अभिनेत्यावर गुन्हा दाखल

SCROLL FOR NEXT