Budget Sunroof Cars : जर तुम्ही स्वतःसाठी सनरूफ कार घेण्याची योजना आखत असाल तर आम्ही तुम्हाला काही परवडणाऱ्या कारची माहिती देणार आहोत. ज्याचा तुम्ही विचार करू शकता.

ह्युंदाईची हॅचबॅक कार i20 या यादीत पहिल्या क्रमांकावर आहे. कंपनीने या कारच्या Asta वेरिएंटमध्ये इलेक्ट्रिक सनरूफ दिले आहे. या कारची एक्स-शोरूम किंमत आहे 9.01 लाख रुपये. या यादीत टाटाची टाटा नेक्सॉन कार दुसऱ्या क्रमांकावर आहे. ही कार देशांतर्गत बाजारात सनरूफसह येणारी सर्वात परवडणारी SUV कार आहे. कंपनी त्याच्या XM (S) प्रकारात सनरूफ देते. या कारची एक्स-शोरूम किंमत आहे 9.40 लाख रुपये.

या यादीतील पुढील कार महिंद्रा XUV300 आहे. कंपनीने या कारच्या W6 प्रकारात SUV फीचर्स दिले आहेत. या कारची एक्स-शोरूम किंमत आहे 10 लाख रुपये. ह्युंदाई व्हेन्यू कार चौथ्या क्रमांकावर आहे. कंपनीने या कारच्या SX प्रकारात सनरूफ दिले आहे. या कारचं SX व्हेरियंट 10.89 लाख रुपयांपर्यंत आहे.

पाचव्या क्रमांकावर मारुती सुझुकीची ब्रेझा कार आहे. मारुती या कारच्या टॉप एंड व्हेरियंट ZXI मध्ये इलेक्ट्रिक सनरूफ फीचर देते. कंपनी आपली कार 10.95 लाख रुपयांना विकते. नुकतीच लाँच झालेली ह्युंदाई वेर्ना सेडान कारही या यादीत सहाव्या क्रमांकावर आहे. कंपनी या कारच्या टॉप एंड व्हेरियंट SX मध्ये इलेक्ट्रिक सनरूफ देते. तर या कारची एक्स-शोरूम किंमत आहे 12.98 लाख रुपये.