FIFA World Cup 2022: शेवटच्या क्षणापर्यंत रंगलेल्या फीफा वर्ल्ड कपच्या अंतिम सामन्यात अर्जेंटिनाने फ्रान्सवर मात करत विजेतेपदावर नाव कोरले आहे. मात्र, याचवेळी गुगलने देखील एकप्रकारे ऐतिहासिक कामगिरी केली आहे. या दीड तासाच्या सामन्यादरम्यान संपूर्ण जग फक्त FIFA World Cup 2022 सर्च करत होते. विशेष म्हणजे मागील २५ वर्षात एखादी गोष्ट एवढ्या मोठ्या प्रमाणात सर्च करण्याची ही पहिलीच घटना आहे.
जगातील सर्वात लोकप्रिय खेळांपैकी एक असलेल्या फुटबॉलचा विश्वविजेता होण्याचे स्वप्न प्रत्येकाचे असते. २०२२ च्या वर्ल्ड कपच्या अंतिम सामन्यात पेनल्टी शूटआऊटमध्ये अर्जेंटिनाने फ्रान्सचा ४-२ असा पराभव केला. १९७८ आणि १९८६ नंतर अर्जेंटिनाने तिसऱ्यांदा विजेतेपदावर नाव कोरले. मात्र, अर्जेंटिनाचा स्टार खेळाडू लिओनेल मेस्सी आणि फ्रान्सच्या एम्बापे यांच्यातील चुरस संपूर्ण जग श्वास रोखून पाहत होते.
या सामन्यादरम्यान इंटरनेटवर केवळ FIFA World Cup या शब्दांचीच चर्चा होते. विशेष म्हणजे गुगलच्या २५ वर्षांच्या इतिहासात पहिल्यांदाच असे काही घडले आहे. स्वतः गुगलचे सीईओ सुंदर पिचाई यांनी ट्विट करत याची माहिती दिली.
सुंदर पिचाई ट्विट (Google CEO Sundar Pichai) करत म्हणाले की, '#FIFAWorldCup दरम्यान सामन्याबाबत सर्वाधिक सर्च करण्यात आले. मागील २५ वर्षात सर्वाधिक ट्रॅफिक या शब्दांना आले आहे. जणू संपूर्ण जग या एकमेव गोष्टीबाबतच सर्च करत होते.'
दरम्यान, कतारमध्ये रंगलेल्या फीफा वर्ल्ड कपच्या अंतिम सामन्यात अर्जेंटिनाने फ्रान्सवर मात केली आहे. या स्पर्धेत सर्वाधिक गोल करणाऱ्या एम्बापेला गोल्डन बूट पुरस्काराने सन्मानित करण्यात आले. तर लिओनेल मेस्सीला स्पर्धेतील सर्वोत्तम खेळाडू आणि मार्टिनेझला सर्वोत्तम गोलकिपर म्हणून गौरवण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.