Monsoon Gadgets Care: देशभरात पावसाने अनेक ठिकाणी दमदार हजेरी लावली आहे. अशात आरोग्याबरोबर गॅझेटची काळजी घेणे गरजेचे आहे. तुम्ही ऑफिसला जाताना किंवा घरी येताना पावसात मोबाईल, लॅपटॉप भिजले असेल तर कोणती काळजी घ्यावी हे जाणू घेऊया.

पावसाळ्यात मोबाईलची जास्त काळजी घ्यावी लागते. कारण मोबाईलचा जास्त वापर केला जातो. पावसाळ्यात मोबाईलसाठी प्लास्टिक पिशवी किंवा पाऊच वापरावे. पावसाळ्यात मोबाईल खिशात किंवा बॅगमध्ये ठेऊ नका. खुप महत्वाचा कॉल असेल तरच मोबाईलचा वापर करावा अन्यथा करू नका.

पावसाळ्यात लॅपटॉपची खास पद्धतीने काळजी घेणे गरजेचे आहे. लॅपटॉपला प्लास्टिकच्या पिशवीत ठेवणे योग्य राहील. पावसाळ्यात तुमचा लॅपटॉप, मोबाईल किंवा कॅमेरा भिजल्यास लगेच बंद करावा. तसेच स्वच्छ सुती कापडाने पुसावे. तसेच मेमरी कार्ड, सिम कार्ड, विविध भाग सुटे करून कोरडे करावे.

मोबाईल किंवा कॅमेरामध्ये पाणी गेल्यास जोरात हलवावे. त्यातील पाणी बाहेर काढण्याचा प्रयत्न करावा. यानंतर टॉवेल, टिश्यू किंवा वर्तमानपत्राचा वापर करून या वस्तू कोरड्या कराव्या.

अनेक लोका गॅझेट्स पाण्यात भिजल्यास हेअर ड्रायरचा वापर करतात. पण असे करणे चुकीचे आहे. कारण गरम हवेमुळे गॅझेट खराब होऊ शकतात. याशिवाय तुम्ही तांदळाचा वापर करू शकता. ओले झाले तर गॅझेट तांदळात ठेवावे. या पद्धतीचा वापर केल्याने मोबाईल कोरडे होईल. मोबाईल बाहेर काढल्यावर लगेच चालू करू नका. संपुर्ण कोरडे झाल्यावरच चालू करावा.

पावसाळ्यात स्मार्ट वॉच भिजल्यास लगेच सुती कापड्याने कोरडी करावी. तुम्ही बाहेर जात असाल आणि अचानक पाऊस आला तर हातातील स्मार्ट वॉच लगेच प्लास्टिक पिशवीत ठेवावी.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.