नवी दिल्ली, ता. 04 : टेलिकम्युनिकेशन कंपन्या सध्या ग्राहकांसाठी इंटरनेट डेटा आणि कॉलिंगसाठी मोठ्या ऑफर्स देत आहेत. लॉकडाऊनच्या काळात इंटरनेटच्या वापरात वाढ झाली आहे. रिलायन्स जिओ, एअरटेल, वोडाफोनने युजर्ससाठी लाँग टर्मचे स्वस्तातले प्लॅन लाँच केले आहेत. यामुळे युजर्सना पुन्हा पुन्हा रिचार्ज कऱण्याची गरज पडत नाही. तसंच दर महिन्याला केल्या जाणाऱ्या रिचार्जपेक्षा हे प्लॅन स्वस्त आहेत. 
एअरटेलचे एक वर्षासाठी अनेक प्लॅन आहेत. यामध्ये 1499 रुपयांचा प्लॅन स्वस्त आहे. या प्लॅनची वैधता 365 दिवस असून युजर्सना 24 जीबी डेटा मिळतो. याशिवाय प्लॅनमध्ये सर्व नेटवर्कवर अनलिमिटेड कॉलिंग करता येतं. तसंच 3600 एसएमएस मिळतात.

Remove China App गुगल प्ले स्टोअरवरून हटवले

वोडाफोनचाही प्लॅन एअरटेल प्रमाणेच आहे. 1433 रुपयांच्या प्लॅनमध्ये वर्षभऱासाठी 24 जीबी डेटा आणि सर्व नेटवर्कवर फ्री कॉलिंग मिळतं. त्यासोबत 3600 एसएमएसही फ्री मिळतात. वोडाफोन प्ले आणि झी5 अॅपचे सबस्क्रिप्शनसुद्धा युजर्सना मोफत मिळते.

BHIM अॅप वापरत असाल तर ही बातमी आहे तुमच्यासाठी

रिलायन्स जिओचा 1299 रुपयांचा सर्वात स्वस्त प्लॅन आहे. यामध्ये ग्राहकांना 11 महिन्यांची मुदत मिळते. जिओचा हा प्लॅन 336 दिवसांसाठी असून यात जिओ टू जिओ अनलिमिटेड कॉलिंग आणि इतर नेटवर्कवर कॉल करण्यासाठी 12000 नॉन जिओ मिनिटे मिळतात.