Jiostar Launch Entertainment Packs : रिलायन्स जिओ आणि वॉल्ट डिस्नेच्या डिस्ने स्टार यांच्या विलीनीकरणानंतर जिओस्टार डॉट कॉम हे नवे मनोरंजन व्यासपीठ लाँच करण्यात आले आहे. या व्यासपीठावर जिओ सिनेमा आणि हॉटस्टार एकत्र येणार असून, भारतीय प्रेक्षकांसाठी विविध प्रकारच्या किफायतशीर मनोरंजन पॅक्स उपलब्ध करण्यात आले आहेत.

विलीनीकरणाचे महत्त्व

रिलायन्स इंडस्ट्रीजकडे जिओस्टार डॉट कॉमचा ४६.८२% हिस्सा आहे, तर हॉटस्टारकडे ३६.८४% आणि वायकॉम १८ कडे १६.३४% हिस्सा आहे. या विलीनीकरणामुळे हॉटस्टारवरील सर्व कंटेंट आता जिओस्टार डॉट कॉमवर उपलब्ध होणार आहे.

मनोरंजनाचे पॅक फक्त १५ रुपयांपासून सुरू

जिओस्टार डॉट कॉमवर दोन प्रकारचे पॅक आहेत – स्टँडर्ड डेफिनिशन (SD) आणि हाय डेफिनिशन (HD). स्टँडर्ड डेफिनिशन पॅक्सची किंमत फक्त १५ रुपयांपासून सुरू होत असून, प्रादेशिक भाषांमध्ये प्रेक्षकांना त्यांच्या आवडत्या कंटेंटचा आनंद घेता येईल.

स्टँडर्ड डेफिनिशन पॅक्स

हिंदी पॅक:

स्टार व्हॅल्यू पॅक: ₹५९/महिना

स्टार प्रीमियम पॅक: ₹१०५/महिना

मराठी पॅक:

स्टार व्हॅल्यू पॅक मराठी: ₹६७/महिना

स्टार प्रीमियम पॅक मराठी: ₹११०/महिना

ओडिया पॅक:

मिनी पॅक: ₹१५/महिना

स्टार व्हॅल्यू पॅक: ₹६५/महिना

स्टार प्रीमियम पॅक: ₹१०५/महिना

बंगाली, तेलुगू, कन्नड आणि किड्स पॅक:

विविध प्रकारांमध्ये उपलब्ध असून किंमत ₹१५ पासून ₹८१ पर्यंत आहे.

हाय डेफिनिशन पॅक्स

हिंदी पॅक:

स्टार व्हॅल्यू पॅक लाइट HD: ₹८८/महिना

स्टार प्रीमियम पॅक लाइट HD: ₹१२५/महिना

मराठी पॅक:

स्टार व्हॅल्यू पॅक मराठी लाइट HD: ₹९९/महिना

किड्स पॅक:

डिझ्नी किड्स पॅक HD: ₹१८/महिना

जिओस्टारची उद्दिष्टे

जिओस्टारचे चेअरपर्सन नीता अंबानी यांनी या व्यासपीठाला नावीन्यपूर्ण बनवण्याचा उद्देश ठेवला आहे. उपाध्यक्ष उदय शंकर यांनी सांगितले की, "गुणवत्तापूर्ण कंटेंट प्रत्येक कोपर्‍यापर्यंत पोहोचवणे हे आमचे ध्येय आहे." आता भारतीय प्रेक्षक कमी किंमतीत दर्जेदार मनोरंजनाचा आनंद घेऊ शकणार आहेत.