Aadhaar Update For Free : आपली ओळख म्हणून आणि सरकारी योजनांचा लाभ घेण्यासाठी आधार कार्ड हे अगदी महत्त्वाचं डॉक्युमेंट झालं आहे. आधार कार्डमध्ये तुमचा पर्सनल आणि बायोमॅट्रिक डेटा असतो. यात फोटो, रेटिनल स्कॅन अशा गोष्टींचा समावेश आहे. या गोष्टी दर दहा वर्षांनी अपडेट करून घेणं गरजेचं असतं. याव्यतिरिक्त पत्ता बदलल्यास, नाव बदलल्यास देखील आधार कार्ड अपडेट करावं लागतं. सध्या तुम्ही मोफत आपलं आधार कार्ड अपडेट करू शकता.
आधार कार्डमध्ये कोणताही बदल करायचा असल्यास त्यासाठी 50 रुपये शुल्क आकारले जाते. मात्र सध्या ही प्रक्रिया अगदी मोफत उपलब्ध आहे. युनिक आयडेंटिफिकेशन अथॉरिटी ऑफ इंडिया (UIDAI) ने काही महिन्यांपूर्वी ही प्रक्रिया मोफत उपलब्ध केली होती. याची मुदत आता आणखी वाढवण्यात आली आहे.
सरकारने दिलेल्या माहितीनुसार आता तुम्ही 14 जूनपर्यंत आपल्या आधार कार्डमधील डीटेल्स मोफत अपडेट करू शकता. यानंतर मात्र काहीही बदल करायचा असल्यास त्यासाठी तुम्हाला फी द्यावी लागेल.
दर दहा वर्षांनी आधार कार्ड अपडेट करणं गरजेचं आहे.
हाच नियम ब्लू आधार कार्डला देखील लागू होतो.
ज्या लोकांनी आधार कार्ड काढून किंवा अपडेट करून आता दहा वर्षे झाली आहेत त्यांनी ते पुन्हा अपडेट करणं अनिवार्य आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.