बाईक रायडर होणे हा अनेकांचा छंद असतो. अनेकजण हिमालयात, उत्तर भारतात बाईक रायडिंग करण्यासाठी जात असतात. तर लाँग ड्राईव्हसाठी जायलासुद्धा प्रत्येकाला आवडत असते. बाईक रायडिंग हा साहसी खेळ आहे.

पण हिमालयासारख्या भागात आपण जात असू तर योग्य ती काळजी घेणे गरजेचे असते नाहीतर आपल्याला जीव गमवावा लागू शकतो. सध्या असाच एक व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये एक बाईक रायडर खोल दरी असलेल्या डोंगरावरून गाडी चालवत आहे. पायवाटेवरून दुचाकी घेऊन जात असताना एका मोठ्या दगडाला धक्का लागून बाईक खालच्या जवळपास ५०० फूट खोल असलेल्या दरीत कोसळते आणि होत्याचं नव्हतं होतं.

बाईक दरीत कोसळल्यानंतर सदर रायडरचे हेल्मेट आणि गाडी दरीत जाते आणि व्यक्तीसुद्धा दरीत कोसळतो पण मध्येच तो एका दगडाचा आधार घेत अडकलेला व्हिडिओमध्ये दिसत आहे. एक चूक या रायडरला महागात पडली आहे. हा व्हिडिओ सोशल मीडियावर चांगलाच व्हायरल होत असून अनेकांनी या व्हिडिओवर आपल्या कमेंट केल्या आहेत.