भोपाळ : मध्यप्रदेशातील रतलाम येथे आयोजित केलेल्या ज्युनिअर बॉडी बिल्डिंग स्पर्धा आता वादात सापडली आहे. या स्पर्धेमध्ये सहभागी झालेल्या महिला बिकिनीवर असून पाठीमागे बजरंग बलीची मुर्ती ठेवल्याचं या व्हिडिओमध्ये दिसत आहे. हा व्हिडिओ सध्या सोशल मीडियावर चांगलाच व्हायरल झाला आहे.
दरम्यान, मध्यप्रदेशचे मुख्यमंत्री शिवराजसिंग चौहान यांच्या जन्मदिनानिमित्ताने रतलाम येथील भाजप महापौरांनी हा कार्यक्रम आयोजित केला होता. त्यामध्ये बजरंग बलीच्या मुर्तीसमोरच महिलांनी बिकीनी घालून प्रदर्शन केल्यामुळे बजरंग बलीचा अपमान झाल्याचा आरोप काँग्रेस नेत्यांनी केला आहे.
काँग्रेस नेते मयंत जाट आणि प्रदेश काँग्रेस महामंत्री पारस सकलेचा यांनी हिंदू धर्माचा आणि बजरंग बलीचा अपमान केल्याचा आरोप केला आहे. त्याचबरोबर या आयोजकांवर गुन्हा दाखल करण्याची मागणीही केली आहे.
काँग्रेसच्या आरोपाला भाजप नेत्यांनीही चांगलेच प्रत्युतर दिले आहे. काँग्रेसने केलेल्या आरोपमुळे नारीशक्तीचा अपमान झाल्याचं उत्तर भाजपने दिलं आहे. तर ज्या ठिकाणी या स्पर्धेचे आयोजन झाले होते ते ठिकाण गोमुत्राने धुवून त्या ठिकाणी हनुमान चालिसाचे पठन होणार असल्याचं काँग्रेस नेत्यांनी सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.