दिल्ली : दिल्ली विद्यापीठाच्या साऊथ कॅम्पस येथील आर्यभट्ट कॉलेजच्या बाहेर एका १९ वर्षाची चाकून भोसकून खून केल्याची धक्कादायक घटना घडली. ही घटना रविवारी घडली असून निखील चव्हाण असं हत्या झालेल्या १९ वर्षाच्या विद्यार्थ्याचं नाव आहे. काही दिवसांपूर्वी निखिलचा त्याच्या मैत्रिणीशी गैरवर्तन करणाऱ्या दुसऱ्या विद्यार्थ्याशी वाद झाला होता.

अधिक माहितीनुसार, सात दिवसांपूर्वी मित्रांसोबत झालेल्या भांडणाच्या रागातून खून करण्यात आला असल्याची माहिती आहे. रविवारी तीन आरोपी दुचाकीवरून आले आणि कॉलेजच्या गेट समोर निखील याला चाकूने भोसकून त्याचा खून केला. घटनेनंतर आरोपी फरार झाले होते. स्थानिकांनी निखीलला मोती बाग येथील चारक पालिका हॉस्पिटलमध्ये दाखल केले पण डॉक्टरांनी त्याला मृत घोषित केले.

दरम्यान, या घटनेनंतर निखीलच्या वडिलांचा व्हिडिओ समोर आला असून मुलाच्या हत्येनंतर त्यांना अश्रू अनावर झाले आहेत. तर पोलिसांकडून अजून एकही शब्द बोलण्यात आला नसल्याचा आरोपही त्यांनी माध्यमांसमोर केला आहे. निखीलच्या जन्मदात्या वडिलांच्या डोळ्यातील अश्रू पाहून तुम्हालाही अश्रू अनावर होतील.

आरोपींचा एक फोटो समोर आला असून त्यामध्ये ते दुचाकीवरून जाताना दिसत आहेत. तर अधिकचा तपास सुरू असल्याची माहिती पोलिसांनी दिली आहे.