गोंदिया : कारच्या धडकेमध्ये जखमी झालेल्या एका वाघाचा मृत्यू झाल्याची धक्कादायक घटना घडली आहे. ही घटना गोंदिया जिल्ह्यात घडली असून धडकेनंतर वाघाचा पाय मोडला आणि काही वेळातच त्याचा मृत्यू झाल्याची माहिती आहे. या घटनेचा व्हिडिओ सोशल मीडियावर चांगलाच व्हायरल झाला आहे.
दरम्यान, ही घटना नागझिरा-नवेगाव कॉरिडॉरमधून जाणाऱ्या गोंदिया जिल्ह्यातील कोहमारा हायवेवर असलेल्या मुर्दोली परिसरामध्ये रात्री १० ते साडेदहा वाजेच्या सुमारास घडली. क्रेटा गाडीच्या धडकेनंतर हा वाघ रस्त्यावरच पडला होता.
या अपघातात वाघाचा पाय मोडला होता. अपघातानंतर या वाघाने जंगलात जायचा प्रयत्न केल्याचं या व्हिडिओमध्ये दिसत आहे. त्यानंतर त्याला उपचारासाठी हॉस्पिटलमध्ये घेऊन जात असताना रस्त्यातच त्याचा मृत्यू झाला. हा वाघ नागझिरा जंगलातील टी१४ नंबर असलेल्या वाघिणीचा दोन वर्षाचा बछडा असल्याची माहिती समोर आली आहे.
वनविभागाने पुढील कारवाई सुरू केली असून शवविच्छेदन आणि पुढील प्रक्रिया गोरेवाडा येथे होणार असल्याची माहिती समोर आली आहे. दरम्यान, जंगलातील रस्त्यावरून गाड्या चलवत असताना नागरिकांनी वेग मर्यादा सांभाळली पाहिजे. त्याचबरोबर आपल्यामुळे जंगली प्राण्यांना त्रास होणार नाही याची काळजी घेतली पाहिजे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.