आपल्या प्रत्येकाच्या जेवणात मीठ असते. मिठाशिवाय कुणीच अन्न खाऊ शकत नाही. एखादा पदार्थ जेवणात नसला तरी चालतो पण अन्नात मीठ असणे गरजेचे असते. प्रत्येकाला मीठ बाजारातून विकत घ्यावे लागते. पण एक व्यक्ती आपल्या घरी लागणारं मीठ स्वत:च तयार करतो. हे ऐकून आपल्याला धक्का बसेल पण सध्या हा व्हिडिओ सोशल मीडियावर व्हायरल झाला आहे.

हा व्हिडिओ ट्वीटरवरील @TansuYegen या अकाऊंटवरून पोस्ट करण्यात आला असून सदर व्यक्तीने मीठ बनवण्याची संपूर्ण प्रक्रिया समजावून सांगितली आहे. तो बोटीत बसून समुद्राचं फ्रेश पाणी जमा करतो आणि घरी येऊन ते पाणी उकळतो. त्यानंतर त्या पाण्यातील क्षार खाली राहतात आणि त्याचे मीठ तयार होते. या मिठाला नंतर गरम करून रिफायईन केले जाते.

दरम्यान, आता घरी लागणाऱ्या मिठासाठी पैसे मोजावे लागणार नाहीत असं कॅप्शन टाकून हा व्हिडिओ शेअर करण्यात आला आहे. या व्हिडिओला आत्तापर्यंत १६ लाखांपेक्षा जास्त लोकांनी पाहिले असून अनेकांनी या व्हिडिओला पसंती दर्शवली आहे. तर नेटकऱ्यांनी यावर आपल्या प्रतिक्रिया व्यक्त केल्या आहेत.