आरसा हे प्रत्येकाचे प्रतिबिंब दाखवत असतो. जो आरशासमोर उभा राहील त्याला आपले प्रतिबिंब आरशात दिसत असते. कित्येक प्राणी आरशात पाहून आपलेच प्रतिबिंब पाहून घाबरल्याचं आपण पाहिलं असेल. झोपलेला कुत्रा अचानक आरशात पाहून त्याला दिसलेल्या प्रतिबिंबाला घाबरल्याचं आपण अनेकदा पाहिलं असेल.

पण सध्या एका मेंढीचा व्हिडिओ सोशल मीडियावर व्हायरल झाला आहे. त्यामध्ये एक मेंढी आपलं प्रतिबिंब चमकणाऱ्या स्टीलच्या दरवाज्यावर पाहून धडक देत आहे. मुळात तिला असं भासतं की समोर दुसरी मेंढी आहे आणि आपण त्या मेंढीला धडक देत आहोत पण शेवटपर्यंत तिला त्याची जाणीव होत नाही.

दरम्यान, सध्या या मेंढीचा व्हिडिओ चांगलाच व्हायरल होत असून अनेकांनी यावर आपल्या कमेंट केल्या आहेत. इंस्टाग्रामवर हा व्हिडिओ पोस्ट करण्यात आला असून या व्हिडिओला ३ लाख ५० हजारांपेक्षा जास्त लोकांनी लाईक केलं आहे. या व्हिडिओवर नेटकऱ्यांनी केलेल्या कमेंट वाचून आपल्यालाही हसू आवरणार नाही.