आपण लहानपणी अनेक खोड्या किंवा विनोदी कामे केली असतील. एकाद्या म्हाताऱ्या व्यक्तीची खोड काढून पळून जाणे, खाण्याचा एखादा पदार्थ चोरून खाणे, शाळेतून चोरून पळून जाणे अशा नाना प्रकारच्या खोडी लहानपणी प्रत्येकजण करत असतात. पण तुम्हाला माहितीये का? प्राणीसुद्धा माणसांच्या खोडी काढतात. हे वाचून तुम्हाला विश्वास बसणार नाही पण हा व्हिडिओ एकदा पाहा.

ट्वीटरवर व्हायरल झालेल्या व्हिडिओमध्ये एक व्यक्ती रस्त्याने चालत जात असताना तिथून तीन मेंढीचे पिल्ले पळत पळत जात आहेत. तर व्यक्ती पुढे गेल्यानंतर तीनही पिल्ले थांबतात आणि इकडेतिकडे पाहून पाठीमागून सदर व्यक्तीला धडक देतात. व्यक्ती खाली पडल्यानंतर तिनही पिल्लांनी तिथून पळ काढला आहे.

दरम्यान, या पिल्लांनी चक्क या व्यक्तीची खोड काढली आहे. हा व्हिडिओ पाहून आपल्यालाही आपल्या लहानपणाची आठवण आल्याशिवाय राहणार नाही. विनोदी व्हिडिओ ट्वीटरवरील अनेकांनी शेअर केला असून त्यावर आपल्या प्रतिक्रिया व्यक्त केल्या आहेत. तर नेटकऱ्यांकडून या व्हिडिओला पसंती मिळत आहे.