सोशल मीडियावर अनेक व्हिडिओ व्हायरल होत असतात. तर सध्या असाच एक व्हिडिओ व्हायरल झाला असून त्यामध्ये दोन तरूणांचा दुचाकीवरून पडून अपघात झाला आहे. ते दोघेही हायवेवर नागमोडी पद्धतीने गाडी चालवत होते. त्यामुळे हा अपघात झाला असून ही घटना कॅमेऱ्यात कैद झाली आहे.

व्हायरल झालेल्या व्हिडिओमध्ये दोन तरूण गाडीवर बसून रील शूट करत आहेत. तर भरधाव वेगाने चाललेली दुचाकी नागमोडी पद्धतीने वळवत चालवत आहेत. पुढे गेल्यानंतर ती गाडी रस्त्याच्या मध्ये असलेल्या दुभाजकाला धडकते आणि खाली कोसळते. यामध्ये ते दोघेही तरूण खाली पडतात आणि रस्त्यावर जवळपास तीस फुटापर्यंत घसरत जातात.

दरम्यान, या अपघातामध्ये दुचाकीचेही मोठ्या प्रमाणात नुकसान झाले आहे. रील बनवणे या तरूणांना चांगलेच महागात पडले असून गंभीर दुखापत झाली आहे. या कोवळ्या वयात तरूणांना ही मस्ती कुठून येते. तरूणांनी साहसी रील बनवताना काळजी घेतली पाहिजे अशा कमेंट नेटकऱ्यांनी केल्या असून हा व्हिडिओ मोठ्या प्रमाणावर शेअर केला आहे.