जळगाव ः जळगाव महापालिकेतील प्रभाग क्र 19 (अ) मध्ये झालेल्या पोटनिवडणुकीत शिवसेनेच्या निता सोनवणे यांची बिनविरोध निवड आज घोषणा करण्यात आली. निवडणूकीत दोन अर्ज आले होते यात अपक्ष उमेदवार आशा कोळी यांनी माघार घेतल्याने सोनवणेंची बिनवीरोध निवड झाली.
विधानसभेच्या निवडणूकीत प्रभाग क्रमांक 19 "अ' मधील शिवसेनेच्या नगरसेविका लता सोनवणे या चोपडा विधानसभा मतदारसंघातून विजयी झाल्या. त्यानंतर त्यांनी तत्कालीन आयुक्त डॉ. उदय टेकाळे यांच्याकडे त्यांचा नगरसेवकपदाचा राजीनामा दिला होता. त्यांच्या रिक्त जागेसाठी पोटनिवडणूक जाहिर झाली होती. यात शिवसेनेच्या निता सोनवणे आणि अपक्ष म्हणून आशा कोळी यांनी उमेदवारी अर्ज दाखल केला होता. मात्र आशा कोळी यांनी माघार घेतल्याने निता सोनवणे यांची बिनविरोध निवड झाली. निवडीची
घोषणा निवडणूक निर्णय अधिकारी यांनी केली. दरम्यान, नवनिर्वाचित नगरसेविका निता सोनवणे यांचा सत्कार करण्यात आला. यावेळी शिवसेनेचे विरोधीपक्षनेते सुनील महाजन, शहरमहानगर प्रमुख शरद तायडे आदी पदाधिकारी यावेळी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.