Nandurbar News : जून महिना संपायला आलेला असतानाही अद्यापपर्यंत तालुकावासीयांना पावसाची प्रतीक्षा कायम आहे. गेल्या दोन दिवसांपासून ढगाळ वातावरण राहत असले तरी अद्यापपर्यंत मुसळधार पाऊस बरसला नाही.

पाऊस लांबल्याने खरीप पेरणी ही संकटात आली आहे. मॉन्सून महाराष्ट्रात दाखल झाला अनेक भागांमध्ये जोरदार पाऊस आणि हजेरी ही लावली आहे, मात्र तालुक्यात अद्यापही पावसाने ओढ दिलेली आहे. काही भागात तुरळक सरी बरसत आहेत.(Nandurbar Taluka residents still waiting for rain Nandurbar News)

परंतु पेरणीसाठी मुसळधार पावसाची प्रतीक्षा कायम आहे. शेतकऱ्यांनी कृषी निविष्ठा खरेदी करून घरात ठेवले आहेत.

परंतु वरून राजा बरसत नसल्याने बागायतदार शेतकरीही चिंताग्रस्त झाला आहे. बागायती कापूस, ऊस, केळी, पपई आदी पिकांची बागायतदार शेतकऱ्यांनी लागवड केली, परंतु उन्हाच्या झळा व विजेच्या लपंडावामुळे बागायती शेती ही धोक्यात आल्याची चिन्हे आहेत.

हेही वाचा : Credit Card फसवणूक....काय घ्याल काळजी?