देवळा (जि. नाशिक ) : तालुक्यातील भावडे शिवारात कामानिमित्त वास्तव्यास असणाऱ्या युवकाने बुधवारी (ता. २३) राहत्या घरी गळफास घेत आत्महत्या (Suicide) केली. रोहित निवृत्ती वायचळे (वय १९, रा. मुंगसरे, ता. नाशिक) असे युवकाचे नाव आहे. आत्महत्येचे कारण समजू शकले नाही. वायचळे कुटुंबीय कामानिमित्त काही वर्षांपासून भावडे शिवारात वास्तव्यास आहेत.

बुधवारी दुपारी साडेबाराला आई- वडील शेतात कामाला आणि भाऊ बाहेर गेला असताना रोहितने गळफास घेतला. भाऊ घरी आला असता त्याला रोहितने आत्महत्या केल्याचे निदर्शनास आले. रोहितला देवळा ग्रामीण रुग्णालयात दाखल केले असता डॉक्टरांनी त्याला मृत घोषित केले. त्याच्या पश्‍चात आई, वडील आणि एक भाऊ असा परिवार आहे. रोहित वायचळे हॉटेलवर कामाला होता. देवळा पोलिस ठाण्यात आकस्मिक मृत्यूची नोंद करण्यात आली आहे. पोलिस निरीक्षक दिलीप लांडगे यांच्या मार्गदर्शनाखाली सहाय्यक पोलिस उपनिरीक्षक राम राठोड तपास करीत आहे.