इंदिरानगर : इंदिरानगर येथील कलानगर चौकातल्या वक्रतुंड पार्सल पॉईंट मध्ये रात्रभर साठलेल्या गॅसचा भडका उडाल्याने दुकानाचे मालक सुरेश लहामगे आणि रिक्षाचालक संदीप पालेकर हे गंभीर जखमी झाले असून दोघांना जिल्हा रुग्णालयात उपचार अर्थ दाखल केले आहे. (2 seriously injured in gas explosion at Indiranagar parcel point Nashik Fire Accident)

सकाळी साडेनऊ वाजेच्या सुमारास हा प्रकार घडला. या ठिकाणी वापरात असलेले व्यावसायिक सिलेंडर आहे त्या स्थितीत आहे. पार्सल पॉईंट मध्ये असलेल्या भाज्या गरम करण्यासाठी वापरण्यात येणाऱ्या शेगडी मधून कदाचित रात्रभर गॅस गळती झाली असेल असा अंदाज वर्तवण्यात येत आहे.

सकाळी श्री लहामगे यांनी दुकान उघडल्यानंतर लाईट चालू करण्यासाठी बटन दाबले आणि गॅसचा भडका उडाल्याचे आसपास च्या दुकांदारांचे म्हणणे आहे. भडका इतका शक्तिशाली होता की त्यांच्यासह दुकानातील भली मोठी शेगडी आणि सर्व भांडे बाहेर फेकले गेले.

गंभीर अवस्थेत त्यांना माजी नगरसेवक ॲड श्याम बडोदे, अँड अजिंक्य साने ,सामाजिक कार्यकर्ते आकाश खोडे यांच्या मदतीने राहुल देशमुख या युवकाने रुग्णालयात पोचवले.