वीरगाव (जि. नाशिक) : साक्री- शिर्डी महामार्गावरील वनोली (ता. बागलाण) गावाजवळ गोवंश तस्करी करणारा पिक- अप (Pick- up) पलटी झाला. या अपघातामुळे वाहनातून अवैध गोवंश वाहतूक (illegal cattle transport) करण्यात येत असल्याचे समोर आल्याने अपघातामुळे का होईना पण आठ गाईंचे प्राण वाचले.
पोलिसांनी पाठलाग केला अन्...
या मार्गावरील ताहाराबाद ते सटाणा दरम्यान असणाऱ्या महामार्गावर पिक- अप MH-41-G-2808) या वाहनातून गो तस्करी होत असल्याची माहिती मालेगाव येथील गोरक्षा समितीचे अध्यक्ष सुभाष मालू यांनी पोलिसांना दिली. या माहितीच्या आधारे पहाटे साडे पाच वाजेच्या सुमारास पोलिसांनी या वाहनाचा पाठलाग केला. पोलिस पाठलाग करत आहेत हे लक्षात आल्यावर ड्रायव्हरने गाडीचा वेग वाढवला. ड्रायव्हरचा भरधाव वेगात असलेल्या वाहनावरील ताबा सुटल्याने वनोली शिवारात हे वाहन पलटी झाले. या वाहनात सुमारे आठ गाई कोंबून भरलेल्या आढळल्या. यावेळी तात्काळ पोलिसांनी कारवाई केली. सर्व जनावरे सुरक्षित असून त्यांना मालेगाव येथील पांझरापोळ येथे रवाना करण्यात आले आहे. सदरचा पिक- अप चालक फरार असून पुढील तपास पोलिस यंत्रणा करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.