Dada Bhuse News : खावटी कर्ज नव्हे, तर शेतकऱ्यांना अनुदान म्हणून देणार आहे. शेतकरी नमन योजनेंतर्गत राज्य सरकारकडून वर्षाला सहा हजार रुपये शेतकऱ्यांच्या बँकेत जमा करणार आहोत, अशी माहिती पालकमंत्री दादा भुसे यांनी दिली.

येथे झालेल्या कार्यकर्ता मेळाव्यात ते बोलत होते. आदिवासी भागातील काम मार्गी लावणारच, अशी ग्वाही त्यांनी दिली. (Dada Bhuse statement Khavati will give grants not loans nashik)

मंत्री भुसे यांचे आदिवासी नृत्य करत स्वागत करण्यात आले. त्यांच्या हस्ते शिंदे गटाच्या शिवसेनेच्या कार्यालयाचे उद्‌घाटन झाले.

खासदार हेमंत गोडसे, माजी आमदार काशिनाथ मेंगाळ, तालुकाप्रमुख रवींद्र भोये यांनी ग्रामीण भागात उपजिल्हा रुग्णालयासह सिंचन योजना प्रभावी राबव्यात, अशी मागणी पालकमंत्री दादा भुसे यांच्याकडे केली.

हेही वाचा : Credit Card फसवणूक....काय घ्याल काळजी?

मोठ्या संख्येने कार्यकर्त्यांनी शिवसेनेत प्रवेश केला. पद नियुक्तींचे वाटप पालकमंत्री भुसे यांच्या उपस्थितीत करण्यात आले. जिल्हा निरीक्षक हेमंत पवार, जिल्हाध्यक्ष अनिल ढिकले, गणेश कदम, माजी आमदार पांडुरंग गांगड, सदानंद नवले, संपत काळे, मिथुन राऊत, योगेश मस्के आदी उपस्थित होते.

तालुकाप्रमुख रविंद्र भोये यांनी प्रास्ताविक केले. कार्यक्रम यशस्वितेसाठी अरुण काशीद, पप्पू मेढे, एक लाख शेख, मुक्तार सय्यद, नितीन लाखन, अशोक लांडे, उल्हास सपकाळे आदींनी परिश्रम घेतले.