Nashik News : धान्य वितरण अधिकारी कार्यालय नाशिकच्या कार्यक्षेत्रातील दिव्यांग व्यक्तींना पिवळ्या शिधापत्रिकांचे शासन निर्धारित दराने वाटप करण्यात आले आहे. नागरिकांनी शिधापत्रिकेसाठी https://mahafood.gov.in या वेबसाइटवर ऑनलाइन अर्ज सुविधेचा लाभ घ्यावा, असे आवाहन नाशिकचे धान्य वितरण अधिकारी गणेश जाधव यांनी केले आहे. (Distribution of yellow ration cards to disabled Nashik News)

हेही वाचा : Credit Card फसवणूक....काय घ्याल काळजी?

शासनाने ठरवून दिलेले विहित नमुन्यातील अर्ज व ई-शिधापत्रिका अर्ज या वेबसाइटवर नागरिकांसाठी उपलब्ध आहे.

शिधापत्रिकेसाठी ऑनलाइन अर्ज करताना कोणत्याही प्रकारचे शुल्क आकारले जात नाही त्यामुळे नागरिकांनी कोणतेही दलाल अथवा एजंट यांच्याशी व्यवहार करू नये. ज्या नागरिकांना ऑनलाइन अर्ज करणे शक्य नसेल

त्यांनी महा-ई- सेवा सेतू केंद्र, आपले सरकार सेवा सेतू केंद्र यांच्या मार्फत ऑफलाईन अर्ज सादर करावा असेही श्री. जाधव यांनी कळविले आहे