नाशिक : (दिंडोरी) जागतिक महिला दिनाच्या पूर्वसंध्येला एक अज्ञात निष्ठुर मातेने जन्माला घातलेल्या आपल्या नको असलेल्या चिमुकलीला उसाच्या शेताच्या बांधावर टाकून दिल्याची घटना उघडकीस आली. या चिमुकलीचे दैव बलवत्तर म्हणून ती वाचली असून तिला ऊसतोड कामगारांनी सुखरूपपणे दवाखान्यात नेत जीवदान दिले आहे.
अशी आहे घटना
तालुक्यातील अवनखेड शिवारात कादवा नदीलगत अज्ञात इसमाने स्त्री जातीचे एक दिवसाचे बालक झाडाच्या अडचणीत टाकून त्यावर कागद टाकून पलायन केले. शेजारी सागर जाधव यांची ऊसतोड चालू होती, येथील मजुरांनी बालकाचा रडण्याचा आवाज ऐकला आणि त्या बालकाला बाहेर आणून ऊस मालकाच्या स्वाधीन केले. ही घटना समजताच परिसरातील शेतकरी धावून आले. त्यांनी घटनेची माहिती पोलीसपाटील सतीश निकम व सरपंच नरेंद्र जाधव यांना दिली सरपंच जाधव यांनी रुग्णवाहिका घेऊन घटनास्थळी आल्यानंतर त्या अर्भकाला तत्काळ दिंडोरी ग्रामीण रुग्णालयात आणले, अर्भकाची प्रकृती व्यवस्थित असल्याचे समजते. त्यानंतर दिंडोरीचे पोलीस निरीक्षक अनिलकुमार बोरसे यांनी घटनास्थळाची पाहणी करत पंचनामा केला, पुढील तपास पोलिस हवालदार जाधव, भोये करत आहे.
आज रविवार (ता. ८) रोजी सर्वत्र जागतिक महिला दिन साजरा केला गेला. पंरतू, त्याच्या पूर्वसंध्येलाच एका नवजात चिमुरडीचा प्राण वाचविण्यात शेतकऱ्यांना यश आले़ या घटनेनंतर पंचक्रोशीत सदर नकोशीची चर्चा सुरू झाली आणि संबंधित मातेबद्दलही संतापाचा सूर उमटला़ चिमुरडीच्या रडण्याच्या आवाजामुळे शेतकऱ्यांना तिचा माग घेता आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.