Helmet Special Drive : मद्य प्राशन करून तसेच, विना हेल्मेट दुचाकी चालवणाऱ्या वाहनधारकांवर वाहतूक पोलिसांच्या वतीने विशेष मोहीम राबविण्यात येत आहे.

वाहतूक शाखा युनिट तीनच्या वतीने मागील पंधरा दिवसात मद्यप्राशन करून वाहन चालवणाऱ्या अठरा वाहन चालकांवर कारवाई करण्यात आली आहे.

तसेच, दोन हजार ०४२ विना हेल्मेट चालकांवर दंडात्मक कारवाई करून मद्य प्राशन करून वाहन चालवणाऱ्या चालकांवर गुन्हे दाखल करण्यात आले आहेत. (Helmet Special Drive action on 2042 drivers without helmet Traffic police alert Nashik)

मद्यप्राशन करून वाहन चालवणाऱ्या चालकांवर मोटार वाहन कायदा कलम १८५ अन्वये गुन्हा दाखल करण्यात येतो तसेच, दहा हजार रुपये दंड किंवा सहा महिने तुरुंगवासाची शिक्षा किंवा दोन्ही होऊ शकते.

दुसऱ्यांदा मद्यप्राशन करून वाहन चालवण्याचे आढळून आल्यास पंधरा हजार रुपये दंड किंवा एक वर्ष तुरुंगवास किंवा दोन्ही शिक्षा होऊ शकते.

मद्य प्राशन करून, विना हेल्मेट वाहन चालविल्यामुळे गंभीर व प्राणांकीत अपघात होण्याचे प्रमाण वाढत असल्याने वाहतूक पोलिसांनी सिडकोत विशेष मोहीम हाती घेतली आहे. पंधरा दिवसांपासून विविध चौकांमध्ये तपासणी करण्यात येत आहे.

हेही वाचा : Credit Card फसवणूक....काय घ्याल काळजी?

मद्य प्राशन करून बेजबाबदारपणे वाहन चालवणाऱ्या वाहनधारकांकडून आपल्यासह इतरांचा जीव धोक्यात घालून बेजबाबदारपणे वाहन चालवले जातात अशा चालकांविरुद्ध वाहतूक विभाग व प्रादेशिक परिवहन विभाग नाशिक यांच्यावतीने विशेष मोहीम सुरु करण्यात आली आहे.

मद्य प्राशन न करता व इतर वाहतूक नियमाचे पालन करण्याचे आवाहन वाहतूक विभागाच्यावतीने करण्यात आले आहे.

सदरची कारवाई वाहतूक शाखेचे सहाय्यक पोलिस आयुक्त सीताराम गायकवाड, वसंत मोरे, वाहतूक विभाग युनिट तीनचे वरिष्ठ पोलिस निरीक्षक पराग जाधव, पोलिस उपनिरीक्षक भामरे, सहाय्यक पोलिस उपनिरीक्षक मुक्तार पठाण, श्री. सातपुते, श्री. जाधव, श्री. चित्ते, श्री. परदेशी, श्री. घागरे यांच्या पथकाने केली.