नाशिक : ओबीसी आरक्षण प्रश्नी राज्य शासनाने प्रभावीपणे बाजू मांडली नाही, याचा निषेध करीत भारतीय जनता पक्षातर्फे शनिवारी करण्यात आलेल्या आंदोलनात आमदार देवयानी फरांदे यांच्यासह चोवीस जणाविरोधात शनिवारी अंबड पोलिस ठाण्यात गुन्हा दाखल करण्यात आला आहे. (in OBC reservation agitation case registered against 24 persons including MLA pharande)

आमदार देवयानी फरांदे, सुनील रघुनाथ केदार, भाजप ओबीसी सेलचे सतीश रत्नपारखी, मंगेश रोजेकर, अविनाश साहेबराव पाटील, माजी आमदार बाळासाहेब सानप, भाजपचे शहराध्यक्ष शिरीष पालवे, जगन अण्णा पाटील, दिलीप अजिंक्य साने, राजेंद्र महाले, श्रीकृष्ण दौलत तांगडे, मच्छिंद्र बाळासाहेब सानप, मिलिदं मधुकर भालेराव, दत्ता निंबा शिंदे, मनीषा रत्नाकर पवार, नंदकुमार कृष्णदास देसाई, चंद्रकांत विष्णू थोरात, रेखा सतीन वाजपेयी, सरिता श्रीधर सोनोने, अच्युत धनशाम बांदेकर, योगेश रामराव हिरे, कविता देवानंद तेजाळे, योगेश बापू मोरे, चंद्रकांत कारभारी खोडे, राजेंद्र बाळकृष्ण मोरे आदींनी शनिवारी (ता.२६) जूनला विल्होळी जकात नाका येथे मुंबई आग्रा महामार्गावर इतर मागासवर्गीयांच्या आरक्षणाबाबत सर्वोच्च न्यायालयात सुरू असलेल्या सुनावणीत महाराष्ट्र सरकारने ठोस भूमिका न घेतल्याने ओबीसीचे आरक्षण रद्द झाल्याने राज्य शासनाच्या निषेधार्थ आंदोलन केले. कोरोना महामारीत सोशल डिस्टन्सींगचे पालन करण्याचा नियम असतांना गर्दी जमवून वाहनांना अडथळा आणला म्हणून शनिवारी गुन्हा दाखल केला आहे.