नाशिक : महापालिका निवडणुकीच्या पार्श्‍वभूमीवर महाराष्ट्र नवनिर्माण सेनेने संघटना बळकटीवर भर दिला असून, पहिल्या टप्प्यात शाखाध्यक्षांची निवड केली जाणार आहे. शाखाध्यक्षांची निवड युवा नेते अमित ठाकरे करणार असून, इच्छुकांच्या मुलाखतीसाठी गुरुवार (ता. २६)पासून चार दिवस नाशिकमध्ये ते तळ ठोकणार आहेत.

महापालिका निवडणुकीसाठी मनसेने संघटना बळकटीवर भर दिला आहे. त्याचाच एक भाग म्हणून ३१ प्रभागांसाठी शाखाध्यक्ष नियुक्त केले जाणार आहेत. युवा नेते अमित ठाकरे यांच्या उपस्थितीत निवड होईल. मनसेचे नेते बाळा नांदगावकर, अनिल शिदोरे, शिरीष सावंत, नितीन सरदेसाई, संदीप देशपांडे, किशोर शिंदे, योगेश परुळेकर, अमय खोपकर उपस्थित राहणार आहेत. गुरुवारी नाशिकमध्ये आगमन, पंचवटी व नाशिक रोड विभागासाठी २७, २८ व २९ ऑगस्टला पंचवटीतील यशवंत लॉन्स, मध्य विभागासाठी राजगड कार्यालयात, सातपूर व सिडको विभागासाठी कामटवाडे येथील माउली लॉन्समध्ये बैठक होईल.