नाशिक : मंगलोर येथील तन्नीरबावी बीचवर रंगलेल्या आंतरराष्ट्रीय ट्रायथलॉन स्पर्धेमध्ये नाशिकच्या अश्विनी देवरे यांनी तृतीय क्रमांक मिळवित कांस्यपदक (Bronze Medal) पटकावले. देवरे या नाशिक पोलीस आयुक्तालयात महिला हवालदार आहेत. (Nashik Bronze medal to Ashwini Devere in International Triathlon Competition at Mangalore marathi news)

मंगलोर येथील तन्नीरबावी बीच येथे आंतरराष्ट्रीय ट्रायथलॉन स्पर्धा रंगल्या होत्या. या स्पर्धेत ऑलिपिंक श्रेणीमध्ये १५०० मीटर समुद्रात पोहण्याचे अंतर ४९.५९ मिनिटात, ४० कि. मी. सायकलिंग १ तास ३६ मि. ५२ सेंकदात तर, १० कि. मी. धावणे हे अंतर १ तास २६ सेंकदात अश्विनी देवरे यांनी पार करीत कांस्यपदक पटकावले.

देवरे यांच्या या कामगिरीमुळे नाशिक शहर पोलिस आयुक्तालयाच्या शिरपेचात आणखी एक तुरा रोवला गेला आहे. देवरे यांनी २०२२ मध्ये आयर्नलेडीचा किताब पटकावला आहे. हा किताब पटकावणाऱ्या देवरे या महाराष्ट्र पोलीस दलातील पहिल्या महिला पोलीस ठरल्या आहेत. तर त्यापूर्वीही अनेक राष्ट्रीय-आंतरराष्ट्रीय धावण्याच्या स्पर्धांमध्ये किताब पटकावले आहेत. (Latest Marathi News)