सिडको : संजीवनगर भागातील एकवीरा शाळेजवळ हॉटेल इंडियाना पाठीमागे पोलिसांनी छापा मारून एक टन गोमांस, नऊ जिवंत गाई, दोन बैल, एक वासरू, असा २ लाख ५१ हजार रुपयांचा मुद्देमाल जप्त केला आहे. एकवीरा शाळेजवळ हॉटेल इंडियानाच्या पाठीमागे अवैध कत्तलखाना सुरू असल्याची गोपनीय माहिती पोलिसांना मिळाली होती. त्यानुसार पोलिसांनी छापा टाकला.

एक टन गोमांस, नऊ जिवंत गायी, दोन बैल, एक वासरू, एक चारचाकी वाहन (एमएच-१५- एएच- ७०६२), असा एकूण अडीच लाखाचा मुद्देमाल हस्तगत केला. संशयित अंजुम कुरेशी (४६, रा. बागवान पुरा), जमील खान (३५, रा. संजीवनगर ), फरान कुरेशी (२३, चौक मंडई), समीर खान ( (१९, संजीवनगर), सद्दाम खान (१८, रा. संजीव नगर) आरिफ खान (४८, रा. संजीवनगर), सुलतान कुरेशी (२८, भारतनगर), समीर कुरेशी (२०, भारतनगर, वडाळा), इरफान कुरेशी (३२, चौक मंडई), ख्वाजा कुरेशी (३२, रा. पंचशीलनगर, गंजमाळ) यांना ताब्यात घेण्यात आले. ही कारवाई अंबड ठाण्याचे वरिष्ठ पोलिस निरीक्षक कुमार चौधरी यांच्या मार्गदर्शनाखाली उपनिरीक्षक संदीप पाटील, बीट मार्शल तुषार देसले, गुन्हे शाखेचे चंद्रकांत गवळी, प्रमोद काशीद, संदीप लहाने यांच्या पथकाने केली आहे.