Nashik Crime News : एकास जीवे ठार मारण्याचा प्रयत्न करणाऱ्या संशयितांना अंबड एमआयडीसी पोलिसांनी इंस्टाग्रामच्या मदतीने २४ तासांच्या आत ताब्यात घेतल्याची माहिती वरिष्ठ पोलिस निरीक्षक मनोहर कारंडे यांनी दिली. पोलिसांनी दिलेल्या माहितीनुसार शनिवारी (ता.१७) रात्री साडेआठच्या सुमारास म्हाडा वसाहतीत बुद्ध विहारालगत राहणारे फिर्यादी किरण कुमावत यांना त्याच परिसरात राहणारे संशयित सागर सोनार याने जुन्या भांडणाची कुरापत काढून त्यांच्या साथीदारांना सोबत घेत चाकूचा धाक दाखवून जिवे ठार मारण्याचा प्रयत्न केला होता. (Nashik Crime marathi news)

या प्रकरणी एमआयडीसी पोलिस चौकीमध्ये संशयित आरोपी विरोधात गुन्हा दाखल करण्यात आला होता. पोलिसांनी संशयित सागर सोनार यास तत्काळ अटक केली होती. तर या गुन्ह्यातील संशयित विजय जाधव व एक विधी संघर्षित बालक फरार होता. पोलिसांनी तत्काळ तपासाची चक्रे फिरवत सोशल मीडिया इंस्टाग्राम अकाउंटवरील फॉलोवर्सद्वारे माहिती घेऊन दोन्ही संशयितांना सीसीटीव्ही फुटेजची पडताळणी करून ताब्यात घेतले.

ही कामगिरी वरिष्ठ पोलिस निरीक्षक मनोहर कारंडे यांच्या मार्गदर्शनाखाली उपनिरीक्षक संदीप पवार, सुरेश जाधव, संदीप खैरनार, दिनेश नेहे, अनिल कोरडे, किरण सोनवणे, श्रीहरी बिराजदार, जनार्दन ढाकणे यांच्या पथकाने केली. ( latest marathi news )