नाशिक : मराठा आरक्षणासंदर्भात मखमलाबाद बस स्टॅण्ड येथे रास्ता रोको केल्यप्रकरणी आंदोलकांविरोधात म्हसरुळ पोलिस ठाण्यात ५० ते ६० आंदोलकांविरोधात गुन्हे दाखल करण्यात आले आहेत. मनोज जरांगे-पाटील यांच्या नेतृत्वाखाली मराठा आरक्षणासंदर्भात आंदोलन सुरू आहे. (Nashik Crime case has been registered against protestors marathi news)

या पार्श्वभूमीवर जरांगे पाटील यांनी राज्यभर रास्तारोको आंदोलन करण्याच्या सूचना केल्या होत्या. त्यानुसार मखमलाबाद येथे आडगाव - त्र्यंबकेश्वर रोडवरील मखमलबाद बसस्टॅण्ड येथे आंदोलकांनी जमा होत रास्तारोको आंदोलन केले होते. रास्ता रोको आंदोलन करण्यासाठी आंदोलकांनी कोणतीही परवानगी घेतलेली नव्हती.

पोलीस आयुक्तांच्या आदेशानुसार शहरात जमावबंदीचा आदेश लागू आहे. आंदोलकांनी कोणतीही पूर्वपरवानगी न घेता रास्तारोको करीत आंदोलन केल्याने याप्रकरणी म्हसरुळ पोलिसात ५० ते ६० आंदोलकांविरोधात जमावबंदी आदेशाचे उल्लंघन केल्याप्रकरणी व रहदारीला अडथळा निर्माण केल्याप्रकरणी पोलीस अंमलदार दीपक अरगडे यांच्या फिर्यादीनुसार गुन्हा दाखल करण्यात आला आहे.

यांच्या समावेश

नितीन रामभाऊ पिंगळे, शंकरराव निवृत्ती पिंगळे, संजय मधुकर फडोळ, मोतीराम दगूजी पिंगळे, सचिन पंडितराव पिंगळे, मदत पोपटराव पिंगळे, प्रभाकर तुळशीराम पिंगळे, तानाजी मुरलीधर पिंगळे, प्रदीप नामदेव पिंगळे, मधुकर मोतीराम पिंगळे, राजेश ज्ञानेश्वर पिंगळे, भास्करराव भिकाजी पिंगळे यांच्यासह ५० ते ६० आंदोलक.  (latest marathi news)