सुदर्शन सारडा : सकाळ वृत्तसेवा

Nashik Crime News : गेल्या वर्षभरापासून सुरू असलेले गुटखा विक्रीविरोधी अभियान सुरू आहे. ग्रामीण भागात धास्ती घेतलेल्या विक्रेत्यांनी आस्ते कदम धोरण अवलंबले आहे. शहरातील खुलेआम पोलिसांना आव्हान देत आहे. शहरात येणारा गुटखा हेलिकॉप्टरने येतो का, असा प्रश्‍न पडल्याशिवाय राहत नाही. मागील वर्षभरात आठशेच्या वर गुटख्याचे गुन्हे दाखल झाले. नऊशेवर संशयितांना अटक झाली. (Nashik Crime marathi news)

नवीन पोलिस अधीक्षक म्हणून विक्रम देशमाने यांनी पदभार स्वीकारला, तेव्हा यातील किंग लोकांनी सुटकेचा निःश्वास सोडल्याबाबत चर्चा लपून राहिल्या नाहीत. श्री. देशमाने दहा वर्षांपूर्वी नाशिक ग्रामीणचे अप्पर अधीक्षक असताना, त्यांना हा भाग ठाऊक आहे. प्रत्येक अधिकाऱ्याची काम करायची पद्धत वेळी असल्याने श्री. देशमाने यांचे धोरण आणि कठोरता अद्याप समजलेली नाही.

गुटखा औचित्याचा मुद्दा असताना, दैंनदिन फेरीधारक अद्याप तरी ताक फुंकून पीत आहेत. गुटखाबंदी असताना, त्याची अंमलबजावणी कशी होते आणि नेमके धोरण निश्चित काय आहे, हे लवकरच समजेल.

कथित गुटखा किंगच्या मनी ‘दो लड्डू फुटे’

नवीन पोलिस अधिकारी पदभार स्वीकारायला येण्याआधीच यातील मुख्य किंग माफिया कुंडली काढत पाय पसरविण्यासाठी हालचाल करतानाचा स्थायीभाव नवीन नाही. मार्केटमध्ये सात ते आठ गुटखा ब्रँड चालतात. त्याचे वितरक म्हणून प्रत्येकी दोन ब्रँड ही किंग लोकं आपापसांत वाटून घेतात.

अंतर्गत यांच्यात मजबूत जोड असल्याने त्यांनीही ग्रामीण भागात आस्ते कदम म्हणत गोळाबेरीज करण्यासाठी काही दिवसांपूर्वी एकत्र आल्याचे खात्रीलायक वृत्त आहे. शहरात मात्र खुलेआम विक्री सुरू असून, ग्रामीण हद्दीत शहरात प्रवेशावर पोलिस प्रमुख ड्रोनसारखी नजर ठेवणार का, हा खरा प्रश्न आहे.

आजपर्यंत झालेली कारवाई

गुटखा केसेस : ११८

संशयित अटक : १३९

जप्त मालाची किंमत १,२४,७८,२४९ (latest marathi news)